Misual timi hna hi an i dang ve ko. Annih cu phunhnih in an kemh. Zerziar in an zer lo. Evi hlengtu rulpi kha an chungah a lut hrimhrim ti cu a fiang bakmi a si. Zer he neekneih he a kemhmi Ralhrang an si. Khua pakhat ah Inn an bauh an Innchung thilri vialte le Ar Facaang tibantuk kha an fir hlei ah an chumh. Thilpuan a ttha deuhmi paoh an i lak dih. Firdingmi thil lawnglawng an ngiathlai. An ei zongah eiziar in an ngei lo.
An ei cawk ti lomi paoh Innchung ah an vorh. An zun an zun hnawh an ek an ek hnawh i an kaltak. Cubantuk nunziaza cu zertian lakah a sang bik a si hnga lo maw? Ram tampi ah hremnak tampi a um ttheu ko nain cu bantuk ngaingai cun an zertiang lo. Kawl Ralhrang cu kan rak chim cang bang khan An Trainings ah sual ziathiamnak hi an cawn chih ko lai. An cawnchih pinah an chungah Evi hlengtu thlarau chiahru kha a luh caah sual hmanhah sualzertian in an sualnak hi a si.
Sinain caansau a rau lailo. An zertiannak le an mituahto ning hi duh sahte in an zun thliahmah cang. Annih cu a thi khomi pathian an biak caah chanhtu taktak an ngei lo. An tthawnnak a dih zau lai. Sihmanhsehlaw kannih tu cu a nung i a thi kho lomi chanhtu ttha kan ngeih caah a tthawnnak a dawng bal lo. Cucu PATHIAN nih cun raltthatnak le tthawnnak huham ngeihnak an kan pek caah Kawl Ralhrang hna cu tei sa in an um ko cang. Crd: Vahui Tlerlung
