Kawlram chung ah kawl ralkap biatak in a doh kho mi le kawl ralkap hmanh nih zeiti ti awk an theih tawn lo mi hriamtlai phu cu Arakan Army (AA) hna khi an si. Kawlram ralkop hmanh lungmit dohlak in a tuah lengmang tawn tu hna cu AA ralkap pawl khi an si ti u sihlaw kan palh lem lai lo.
Tulio kan kawlram buainak kong he pehtlai in AA ralkap zong dai tein an tthu dir kho ve ti lo i KIA, KNU, KNLA hriamtlai phu nih SAC pawl an dohnak tiang in an telpi ve cang hna. AA ralbawi Htun Myat Naing nih tulio kan kawlram buainak kong he pehtlai in tihin bia a hung chim.
A chim mi cu, caan hi a biapi taktak mi a si i, cu kan caan cu khawzeika zawn ah dan kan hman lai tihmi kha a biapi tuk mi asi. Cun tulio kan kawlram buainak ah hin zei bantuk minung dah kawl ralkap doh ding ah aitlak mi an si tihmi zong a biapi taktak tiah a chim.
A ti than rihmi cu thangthar mino rual hna lamcung ah huaha lo in nan caan nan hman awk a si bak ti lo mi nih an kan doh ahcun doh let ve khawh ding kha biapi tuk mi asi. Kan ral nih an kan kah, an kan cheh ahcun kan mah zong ah kan lehrulh awk an si.
Mah caah cun kan kawlram a that than khawhnak ding ah zei bantuk lam kan zulh ah dah a tthat tihmi kha kan kawl thiam a biapi tak tak. Lamcung chuah i nunnak thap can ah PDF (Poeple Defence Force) ah lut u law cu cu a ttha deuh tiah a nolh fawn.
