Mindat ah ralzaamnak in a rak kir mi nu pakhat a umnak inn ah a nunnak a liam,checkhlatnak an tuah hnu ah Covid zawtnak ngei mi si an theih
Chin ramkulh Mindat khua ah ralzaamnak in a rak kir mi mipi chung in nu pakhat cu a umnak inn ah nihin August 3,zinglei suimilam 6:30 hrawng ah a nunnak a liam tiah theih a si. Checkhlatnak an tuah hnu ah Covid-19 zawtnak a ngeih theih a si tiah Mindat khua mibawmchan tu phu sin in theih a si.
Cu mizaw cu a hlan te in zawtnak tam pi a tuar mi a si tiah theih a si.Kyautthuh(ေက်ာက္ထု) lei ah ralzaam dirhmun in an um i,(2.8.2021)ni ah Mindat khua ah a phan i, (3.8.2021) zinglei suimilam 6:30 hrawng ah a nunnak a liam hnu ah Mindat khua mibawmchan tu phu hna nih ruak khangh nak tuah a si tiah Mindat khua mibawmchan tu phu nih an Facebook ah an langhter.
Relchap- Senior Pastor Rev. Ram Hei Nih Mual A Kan Liam Tak Tthan Ee. Bethel Baptist Church Associate Senior Pastor Rev.Ram Hei A Nunnak Liam. August 3 zanlei suimilam 4:5pm hrawngah Rev.Ram Hei (kum 60)cu Hakha sii-inn ah a nunnak a liam.Rev. Ram Hei cu Hakha, Bethel Baptist Church ah Pathian rian a tuan lio mi a si.
Oxygen pek bu in ni zeimawzat an zohkhenh hnu ah tu zaanlei ah a nunnak a liam hi a si. An nupa in an dam lo i,sii-inn ah conghramh an si,hlacam sawmnak zong Bethel Baptist Church nih an Facebook page ah an rak langhter cang.
