Min Aung Hlaing uico rual cu ralhrang nih Mindat khuapi chung i dawr innka an hrawh i a chung thilri/ phai tiang an fir thluahmah tiah khuami pakhat nih a chim. Sah-kah-sah ralhrang nih Mindat khuapi cu chun he zan he bak heh tiah an kah hna tiah khuami pakhat nihcun Than Lwin Khet News sin a chim.
Thil an fir hmanh i za lo in Mindatmyo chung ah ralhrang hna tuni may 17 ah meithal he an kah tthan hna caah khua chung mipi hna chung in hliamhma pu an um i dirhmun derthawng ngai in a um tiah khuami pakhat nih a chim.
Tuni may 17 ah ralhrang hna cu Mindat khuapi chung ah meithal he heh tiah an vat hna i tu le tu in meithal an puah i cu meithal an puah mi nihcun inn pakhat a tlak i kum 10 tluk hrawng asi mi nghakchia te cu fak taktak in ai hliam.
Kan theih dih cio bang Mindat khua cu ralhrang nih biatak tein an congh caah sii va cawk le sii lei a thiam deuh mi va auh awk zong a ngah lo caah lungrethei ngai in an um lio pi a si. Tu tiang a dirhmun ahcun thinphang ngai a si tiah an chim.
Ralhrang hna nih tuni ah Mindat khuapi chung i dawr umpi pawl hna cu heh tiah a innka an hrawh i a chung thilri tiang an fir thluahmah tiah khuami pakhat nih a chim. Sah-kah-sah ralhrang nih Mindat khuapi cu chun he zan bak heh tiah an kah hna tiah khuami pakhat nihcun Than Lwin Khet News sin a chim.
