Ralhrang rallokap nih mipi thahnak dingah meithal lawng hmang lawng in ral an tu ti lo, Nu tlaihrem nak zong in raltuk an i zuam cang. Mindat CDF doh ding ah a rak ra mi ralhrang bawi pakhat cu Mindat-CDF nih an thah i a mawtaw chung ah hursii tampi an hmuh.
Hursii an hmuhmi hna cu Bing-rang, le hursii hna an si. Mindat khuapi chung i um mi Nutlung, nungak pawl caah cun a him hrimhrim ti lo, ralhrang hna nih hursii pek dih hna i nupa sualnak hmanpi dih an timh cang hna tihmi cu el-awk ttha lo asi.
Mah hursii an hmuh mi cu may 14-15 ah Mindat va doh ding in a kal mi ralhrang motor 6 cu CDF-Mindat nih an rak kah piak hna lio ah ralhrang an bawipa tak cung ah kawlram phung nih a awnh lo rithai sii pawl an hmuh hi a si. Crd: Zalen
Relchap-CDF-Hakha Le SAC Ralhrang Karlak Ah Voi 5 I Kahnak A Chuak Mi Ah Ralhrang Lei In A Thimi Zah Langhter A Si Cang
Voi 5 chung kahdohnak ah CDF-Hakha nih SAC ralkap a tlawm bik 20 kahthah, sakhaan pakhat laak. May 2 in May 18 kar voi 5 chung kahdohnak ah CDF-Hakha nih SAC ralkap a tlawm bik minung 20 an kahthah cang hna, a tlawm bik minung 21 an hliamh cang hna i Surkhua Palek Sakhaan zong an laak.
Hihi The Hakha Times nih cazin kan laak ning in a si. Kahdohnak hi 2021 May 2 in aa thok i May 17 tiang thawng kan tial cang mi cazin in kan langhter than mi a si.
1. May 2 zaanlei Hakha Cawbuk check-gate pawng ah SAC ralkap 4 an thi.
2. May 3 zaan Hakhathar check-gate pawng ah 4 thi, 10 leng hliamh.
3. May 4 zaan Hakha Innwa bank pawng ah pakhat thi, pakhat hliamh.
4. May 16 zaanlei Chuncung pawng ah 6 thi, 10 leng hliamh. (CDF in pakhat thi)
5. May 17 zaan Cawbuk check-gate pawng ah 5 an thi.
May 8 ah Surkhua Palek sakhaan an laak. Hi kahdohnak chung ah CDF in Salai Van Biak Ling nih nunnak a pek. May 9 ah tlaih mi Pu Tler Ling le Pu Khamh Bawi Lian cu SAC ralkap kut in an nunnak a liam i chungkhar sin ah an ruak hmanh pek an si lo.
May 14 zaan ah CDF-Hakha nih U Soe Lwin = Police Chief (Ramkulh Traffic Police), U Soe Win Than= Deputy Chief of Police (Ramkulh Traffic Police), Pu Sung Ki =Deputy Chief of Police (Ramkulh Traffic Police) le U Sai Tun = Dalaan an tlaih hna i thihdan pek in thah ding biachah a si cang ca ah an konglam theih a si ti lo. Crd: The Hakha Times
