Min Aung Hlaing hi president thutden cungah akai ko nain ziah president tiah aa kawh duh lo?Aruang cu: 1. 2008 phunghram caang 71, 1-2-3-4-5 phunghram ningin tazacuai nak lam a um kho caah President thutden cung ah akai ko nain president tiah aa ti ngam lonak asi.
Acunglei phunghram hna hi, Rampi hruaitu, uktu hna sualphawt khawhnak phunghram asinain president timi min ca lawng asi caah Min Aunghlaing nih a hrial mi asi.
2008 phunghram ah ralkap lei tazacuai khawhnak phunghram a um lo. Hluttaw thutden ah 25% ralkap hna zong kha Hluttaw upadi ningin sualphawt khawh an sinain tazacuai khawh an si hoi lo.
Aruang cu adang tein ralkap upadi an i ngeih i anmah ralkap upadi an buar lo poh ahcun 2008 phunghram nih tazaa a cuai kho hna lo.
2008 Phunghram nih an sual palhnak fiangte in a langhter khawh nain 2008 nih taza acuai kho lo. Ralkap upadi nih a luatter thiamthiam hna. Aruangcu anmah ralkap nih adang tein an tawlrel cu mu.
Acunglei ka langhter mi phunghram caang 71 (1.) Rampi leirawi, (2.) Phunghram buar. (3.) Nuncan ziaza thatlo, ningcang loin ziaza hman.
(4.) President hna nih fimthiamnak lei chanbau ruang, (5.) Upadi ningin pek mi rian tlamtlinh lo ti bantuk hna ruangah tazacuai khawh asinain Min Aung Hlaing nih President ka si tiah athanh lo caah 2008 phunghram Ningin taza cuai khawh asi lo.
Hihi ahngalh tuk caah president thutden cungah athu nain president tiah aa ti ngam lonak hi asi lai ka zumh. President ka si aa ti bak ahcun acunglei phunhram 5 hna khi abuar dih cang caah tazacuai khawh asi hnga.
Cucaah VP Myint Shwe tu hi 2008 phunghram, abik in acunglei ka langhter mi phunghram ning in sualphawh khawh asi. Cucaah ralkap le phunghram cu hrawh ti bak an hau.
Min Aung Hlaing nih hin uknak mipi kut ah aa kan pek than zongah duh ding asi hrim lo, aruangcu ralkap kha an sualnak ngaihthiam he aa khat lai. Cucaah COVID zawtnak le Ramchung dothlennak cawlcanghnak nih Min Aung Hlain hi a politics athlen te khawh men.
Cucaah Min Aung Hlaing nih a politics a thlen zong ah kan i tinh mi tlamtlin hlan tiang dothlennak kan peh aherh. Min Aung Hlaing le aralkap hna politics thlen hi zeihmanh a herh lo, ahrawh in kan hrawh aherh.
Min Aung Hlaing le aralkap hna politics hi kawlram chungin hnawh dih aherh. Mipi nih taza cuai khawh lomi ralkap kan herh lo, tih an nung.
Mipi thim mi president le cozah hmanh nih tazacuai khawh lomi ralkap kan herh lo, tih an nung. Tutan ah a sual palhnak vialte hi tazacuai duh zongah tazacuai nak phunghram kan ngei rih lo caah ahrawh in kan hrawh hna bak aherh. Crd: Lai Ram Laipa
