Thantlang Ah Palik Pakhat CDF-Thantlang Nih Kan Kah Tiah Thawngthanh Nak An Tuah. Thantlang ah ralhrang rallokap sinah thawngpetu, CDM tuahmi hna tlerhkhonhtu, mipi hna rawl/ eiding phorhnak kongah ah khualtlawng mi hna sinin zeimaw a duh zungzaltu, Thantlang Myone palik (ဒုရဲအုပ်) ဟိန်းဝေဇင်လတ် cu July 5 ah Thantlang CDF nih kan kah tiah Chinland Defense Force nih an langhter.
Khuachung um CDM a tlerhkhonhtu, ralhrang sin thawngpe Dalaan hna zong a caan tlai hlan ah mipi lei sin tang ve ding in sawmnak ca an tialchih. Taungyi -Ayetharya (တောင်ကြီး – အေးသာယာ) Lampi Ah Rallokap Mawtaw Pakhat A Let Shan ramkulh thlanglei,Taungyi -Ayetharya (တောင်ကြီး – အေးသာယာ ) chuktumnak lamah nihin (July 5)zaanlei ah rallokap mawtaw pakhat a let, mawtaw chungah siangcachim Sayamah te zong an i tel, a khawng mi kong ah fiangin theih asi rih lo. Crd: TCP
Relchap-Tutan Thantlang Palek Bawi+Dalaan Hi Atuh Bantuk In A Zun Mi Asi. Tutan July 5 chun ah kah thah mi Thantlang palek+dalaan sining in fimnak le ralrinnak tampi cawn khawh asi. Hi palek pa hi asining kan theih ning ah, mitha lo taktak, tangka aduh tuk mi asi i a phupha lo le aherh lo ah mipi tangka cawiter ahmang mi asi.
Tangka ngeih lo lio lamton le bang ahcun a hlat piin kianh/hrial hau mi si, a pawngkam ah na tluk sual, a motor/cycle zong tlawmte an hnursuan sual ah cun tangka ating bak in a liam ter hna. Aluan cia thla khat ah ka rak tial cang mi, Thantlang khuasa pakhat zong lei thuannak seh Hakha ah ava cawk. An rak tlung i Thantlang khua luhlai laipawng lungcheck gate ah mi an chek hna.
Atu an kah mipa palek bawi hi motor raang mi aa mongh tawn mi asi i laipawng lung lamlai bak ah amotor cu adirter i kianh/hrialnak athat lo caah dinte in an rak hnursuan piak i ting 3 bak arak cawi ter hna. Lamlai dir i mi nih hnursuan tik ah tangka cawiter in tangka akawl mi asi. Motor /cycle amawng zongah mi akian duh bal lo i mi nih kianh mi si aduh mi asi.
Hi bantuk minung cu an chan asau bal lo. Kan cathiang hrim nih achim mi cu: Obadiah 1: 15 (a)
‘Edom, na tuahmi kha na cungah a tlung ve lai; Na tuahmi kha na lu cungah a kir than lai. Cucaah mipi tangka in vuanthan pakhat nih cawmtu mipi cung ah harnak na pek hna ahcun thlankam ah ka dir ti kha thei ko. Crd: Lai Ram Laipa
