Kan kawlram buainak cu daih lei panh kho lo in nikhat hnu nikhat a linsa chin lengmang ko. Tapung kawl ralkap pawl cu an sual chin lengmang ko nain sandahpiah mipi nih sandahpiah ngol cu an tim hlei lo.
Tuni march 26.2021 ah khan Miat Myo ah mipi sandahpiahtu pawl cu palik le ralkap nih an kah hna i minung pali nak tlawm lo an nunnak a liam tiah theih a si. Tuni Miat Myo ah tapung ralkap nih mipi sandahpiah pawl cu meithal he an kah hna nak ah minung pali nak tlawm lo an thi tiah theih a si. Video Link
Zeitluk in dah kawl ralkap pawl hi an hrokhrawl tihmi cu nizan Mandalay lam 86 cung i thil cang mi nih a fianter ngai tiah hmuh khawh a si. Nizan March 23 ah Mandaly khua chung mipi sandahpiah pawl ralkap nih an kah hna i minung pakhat an kah thih mi cu a ruak an fir diam.
An kah thih mi miruak tlau mi cu CCTV nih fiang tein a rak record dih mi mi cu thuh nawk awk ttha lo in a rak lang dih. Palik mawtaw pakhat nih mithi ruak an lak mi cu a thli tein mawtaw cung ah an khinh lio cu hmuh a si.
Kawl ralkap nih mipi sandahpiah an kah thih hna tik an ruak an lak lengmang mi khi cheukhat nihcun Taluk sin ah an chung thilri an zuang tiah a chimmi tampi an um. Mah khi khi a hman lo mi a si, ralkap nih mithi ruak an lak lengmang nak a ruang bik cu, meithal nih kan kah mi a si lo, amah te ai hliamnak ah a thi mi a si tiah langhter an duh ruangah an lak nak a si.
A tang CCTV ka thil chih mi hi rak zoh hmanh ah nizan Mandalay ah an kah thih mi ruak a tlau tiah an tihmi palik mawtaw in an lak lionak a si. Mah nih khin Min Aung Hlaing Uico kawl ralkap pawl an firkhut ning cu a fianter taktak.
