Dothlennak kan lam thluan ah hin ngaihchiatnak kan tawn caan vawi tampi a um ko lai, hmanh sehlaw, mah ruang ah lungdong in kan um awk a si lo. Lungdong lo tein kan ral kan doh a si ahcun nikhat khat ahcun kan tei caan a um te ko lai.
Mipi nih theih kan duh cem mi thawngpang cu mipi lei ralkap nih ralhrang motor cu zah mei in an khangh piak hna ti le ralhrang cu zah an kah thah hna tihmi thawngpang a si. Hmanh sehlaw hi dothlennak kan lam thluan ah hin kan mitthli tlak caan zong a um lo awk a ttha lo timi kha philh hlah hna u sih.
Kan ralkap hna nih ralhrang an dohnak ah thihloh nak an tawn tik ah khin lungrawk tuk le lungdong tuk in kan um awk a si lo. Ralhrang kan tei hlan lo chung paoh cu kan duh zong kan duhlo zong ah hi bantuk thil cu kan tawng peng rih ko lai ti kha philh hna hlah u sih.
Tthalcaan dothlennak lam thluan kan zawh cuahmah nak ah hin lungdong kho ding kan si lo, kan Chin pasalttha/ nusal ttha hna le kan ngeih mi hnih chun kan innbiak inn le kan inn le kan lo, kan vokte, kan arte duh paoh in ankan thah piak mi ruah ahcun teinak kan hmuh hlan lo ngol kho ding kan si ti lo.
Kan Chin miphun cung ah an tuahsernak vialte kan rehrulh khawh hlan chung paoh cu hnu lei kir kho ding kan si ti lo. Cu si caah lungdong lo in kan ralpa kan tei hlan lo ralttha in hmailei ah kal peng ko hna u sih! Kan Pathian thawng in teinak kan hmuh hrimhrim ko lai. A tang video ka chiah mi hi KNDF battalion 1 ralkap ralhrang an dohnak ah nunnak liam mi an buapi cuahmah lio nak a si.
