Perhkalh Thang: Khin Nyunt an tlaih ee rak ti lio kha Thantlang i sianginn saya a rak ṭuanmi Sayakyi Lian Sang nih Thantlang myohne ah rak kan kua hna sehlaw a ṭha tuk hnga a rak ti tawn(sianginn saya a si nain, Party Council chanah biaceih bawi a rak ṭuan), Zeitindah tuah na duh kan rak ti tawn ve.
Thantlang myohne nih nan duh ning paoh in dan rak tat u ti khi siseh law, tuhmui pakhat, hreitlung pakhat, paiper pakhat, sur pakhat, Lai meithal pakhat ka peek lai i, Lungcawipi ah khua va sa ka ti hnga a rak ti tawn.
Hi hna pathum hi thih sawhsawh in an thih ding ka duh bak ve lo ko. Tlai bak hna sehlaw, thong thla bak ve hna seh law, cu lawnglawng ah kaa lunghmuih khawh ve hnga. Pathian nih ka ngaithiam ko seh!
Min Aung Hlaing Ai Chuahsual Cikcek Cang, AA Ralkap Nih Kawl Ralkap Doh An Timh Ve Cang. Min Aung Hlaing nih AA ralkap pawl cu ralhrang mincazin chung in a hnawt mi hna cu ai chuahsual cikcek cang ko rua.
A ruang cu ningcang lo tuk in uknak a la tu le mipi that tu kawl ralkap cung ah AA ralkap pawl an thin an ni sum kho ve ti lo in kawl ralkap doh ding in an ni tim ve cang. Kawl ralkap uknak duhlo tu tlangcung hriamtlai phu pakhat a si ve mi AA ralkap nihcun kawl ralkap doh ding in timhlamhnak an ngeih nak kong cu Reuters thawngzamhtu nih cun an chim.
Kawlram hmunkip ah CDM sandahpiah tu mipi sualnak nei lo cung ah hriamnam an hman ruang ah AA ralkap nih kawl ralkap doh an timh tthan nak a si. AA ralkap lak i biachimnak nawl ngeitu U Khein Tuh Khah nihcun mipi lei ah kan ttang tiah a chim.
Kawl ralkap uknak tang ah lungrethei emem in khuasa mi mipi hna caah AA ralkap nih teinak co kho ding in biatak tein timhlamhnak an ngeihnak kong cu Reuters thawngzamhtu sin ahcun a chim chap fawn.
AA ralkap pawl hi mithat damiah an si tiah kawl ralkap nih an rak ti zungzal mi an si ko nain, nai teah Min Aung Hlaing nih AA cu ram chung i mithat damiah an si ti lo tiah minthut nak tiang a tuah piak hna. AA le kawl ralkap karlak ah kahdoh nak a chuah lo nak hi thla tam ngai a si. Rf: RFA
