A nungak lingcing ah cun a muisam dawhnak le a tungtai dawhnak ruangah tlangval tampi nih an rak helh i an duhnak kong zong an rak phuan hnawh, khat lei in chim ah cun an rak sah tukmi nu pakhat cu aa uah sual deuh ruangah a sah tu tlangval kip a rak al hna, cu ruangah ruah lo pi khin a hlei sual i kum 40 a luan diam ai.
Kum 40 a luan hnu ceu lawng ah tlangval neih bal ve lo cu a si kho bak lo tiin ruah lo piin a rak helh sual tu kum 18 tlangval note he an i duh. Nikhat cu a tlangval pa te nih Inya tili kam ah i tong ding in a ching. A mah zong nih aa ngaih tuk ve i a tlangval pa te he Inya tili kam ah cun an i tong.
Inya tili kam cu kan theih cio bantuk in nungak le tlangval aa duhmi hna caah caanttha laaknak hmun bak si i an nih pahnih zong cu nithawng pakhat te an i phenh bu cun tlangval pa nih a kuh, a reh i a hnamh chih. A tlangval pate nih a kuh, a reh lio le a hnamh lio ah cun buainak chuah hram aa thok diam ai.
Zei bantuk buainak dah tiah cun mah lai zan ah hin lengttul nu cu TV zohpah in Pe reumi tam ngai a ei, cun zingka zongah Arti buhmi ceilak a ei ta fawn. Cu pawl nih cun rian an hun ttuan ciamma i voih voih rumro a duh cang. A tlangval pa nih le thlah duh lo bak cun a kuh, a reh chih hoi.
Zei tuahnak thei loin a voih aa sumnak ah a thlan zong chuak dih, a voih aa sip tuknak ah a ke thupi cu a ngawi ter chih, a ke thupi ngawi termi cu a tlangval pa nih zei thei lo le thinphan pah buin a vun samh piak cu caan zei maw zat chung aa summi vialte cu a puak dih ai.
A aw nih le thang, cun a rim nih le naam tak tak rih tik ah lengttul nu cu a ningzak tuk i zei tuahnak ding thei lo, cun a tlangval pate zong nih cun ka nungak nu ningzahnak hi zei tin dah ka hnemh lai ti lawng khua a ruat. A donghnak ah tlangval pate nih cun ka dawt, kei mah palh bak si, na ningzak ti hlah, mah na ke zung thupi te kha Voih Khaloh a si ka theih lo ruangah ka hmeh sual i si, hi hnu cu ka hmet ti bak lai lo” tiah a hnemh.
