Karen ramkulh chung ah kawl ralkap le Karen ralkap I kah nak cu a zualhma ngai I kap hnih in an duhning an chuahmi zoh tik ah boruak a sang chinchin ding in a lang.
KNU nih cun April ni 3 chun ah Keren ramkulh chung ah ami zei paoh lam zawh doaunak ngeih ruang ah ralkap nih buainak pemi nan um a si ah cun kan chim u la kan in ven hna lai.
CDM tuah ruang ah a him lomi nan um ah cun kan chim uh, kan in ven hna lai kan mah rian a si. CDM a tuahmi le mipi runven cu kan mah rian a si tiin ca an chuah.
Cu ve bantukin ralkap lei zong an rak cawlcang ve I Karen ramkulh ah lamzawh doaunak nan ngeih a si ah cun kan in kah hna lai tiin hmaitonh bak in April thla ni 3 ah khan an rak chimh ve hna.
Cu ruang ah mipi cu lampi ah doau lam zawhnak nei ngam ti loin tiva bak ah kal in lamzawhnak an ngeih. Lampi ah siloin tiva bak ah doaunak an ngeih mi kong ah ralkap lei nih zei tin tal an tit e hna hnga maw timi tucu theih a si rih lo.
Tu dirhmun ah Karen ralkap KNU le Kachin ralkap KIA pawl cu kalw ralkap pawl he fak taktak in an I kap lengmang lio pi a si.
