Tuni ah Yangon khua ummi Laimi lakah bochanmi kan pa pakhat simi Pu Thla Peng (kum 90) nih ruahlo pi’n tu zanlei ahkhan mual a kan liamtak tiah kan theih.
Yangon um kan Laimi lakah kan bochanmi kan pa Pu Thla Peng (Sayama Sai Cer a va, Cung Mang Pa) kum 90 nih July 22, 2021 zaanlei (4 pm le 5pm) kar ah khan kan ruahlo ngai in mual a kan liam tak.
Tantakmi chungkhar vialte nan ngaihchiatnak Pathian tu nih hnem hram ko hna seh. Crd. Pu Lian Iap (FB)
Tuni Thiam Ah Taungphila AG Khirhfabu Senior Pastor Rev. Thian Nun Thang Nih Mual A Kan Liam Tak
Taungphila AG khrihfabu ah Senior pastor Rev. Thian Nun Thang kum 68 nih tuzanlei suimilam 6:40pm ah khan Covid-19 zawtnak in a nunnak a liam. Tantak mi a nupi, fanu fapa le hna nan ngaihchiatnak a nung kan biak kan Pathian nih in hnem ko hna seh.
Nai hrawng Laimi chung in covid zawtnak ruangah kan thih leng le Pathian rianttuantu hna an thih ning ruah ahcun ngaihchia taktak bak kan si. Zeiruang ko ah hme mahti lawm man in Pathian rianttuantu nih ankan thih tak ti cu ruah lo awk ttha lo bak a si.
Zingka Ah Biathaw Te Ruah Ko Lio Ah Chunhnu Cun Nunnak Thaw A Cat Thluahmah Mi An Tam. Bia tha te ruah ko lio ah tim hlan ah nunnak thaw hna an lo ai. Siaherhnak biaruah in mangtha ca’h hnu, deihlan ah khin nunnak an lo ruangmang. Hmailei caah saduhthah in chunmang tam pi ngei mi hna nun zong khi a lo ciahmah.
A dam ko ti lio ah khin an lo ziahmah. Mitthli a tla nuntuar a har an ti cuahmah lio khin ngaihchiatnak nih a bet nolh than mi hna an tam. Vawlei ahhin zeikhi dah kan nunchan a si?
Vawlei ahhin zei dah kan i ruahchan? Vawlei ahhin zeidah tlaihchan ngai in kan i buaipi ? Vawilei thil hi kan buaipi ding a si ko nain, tlaihchantuk ding an si lo.
Vawlei thilri hna cu nikhat hnu nikhat in an lo thliahmah lai. A chiatuk mi kan caan ahhin zeitin dah kan thih ti nak in, zeitin dah kan nun ti hi a biapi deuh!
Mai Anna Par
The Chin Post
