Siifah hrat ahcun zeitluk ningzak a si zong ah tuar a hau. Der hrat ahcun va ral tthat peng awk cu ttha fom hlah. Kan hawi nih an tuah bal cio lo ti cu kan theih cio ko. Minung phung zong a si lo ti zong kan theih tuk ve ko. Sakhi nihcun zeitindah Chiandeih hmai ah a ke cu a cheih len i a kalnak lam cu a kham ngam hnga?
A mawh lo teh, Sakhi a si pei ai theih cu Chiandeih hmai ah Sakhi si peng itimh lo cu kan herh cang ko. A biapi bik cu kan policy a si. Uitlak bang in kan aw-aan lawng thang loin kan baan zong ngan ve cang seh, kan tanpor tit zong ihrual deuh she. Kan ngazuatnak tidil zong kauh deuh usih, kan Ngaci zong tam deuh she. Kan lo vahnak namtong le hleitlung zong har deuh cang seh.
Kan mi pelnak zong Mupi bang lamhlapi a phanmi le a hmu khomi si cang seh. Kan ttangphaw le kan siangbah pawl cu Chanthar Techonology in thuamh a herh cang. Lithal, puahceh, thonghrolh le thalphir hna nih kan chungkhar a veng kho ti lo hih. Kan Policy thleng cang hna usih. Kan chungkhar a ning a tti cang! An mit-au a phing cang. Papa khawika kan zam lai an ti cang.
Aw lawng than ngai nih tuchan ah Lai a rel kho tak ti lo. Ban tut pipi, tanpawr ngan pipi, ttang khamh ttha pipi Gym caan saupi a tuahmi zong kan um a hau cang. Kan Liancung ah Automatic hrual pipi zong ibah a hau cang. Kan tai zong ah vawlei kau pipi a tlirh khotu hmehpuah zong kan i thlaih tthup a hau ve cang.
Chiahdeih chimmi lawng zulh peng cu mi hmai ai khap ti lo hi teh. Kan hawile cu an Hngawng rengh a ttha tuk cang. Sakhi bang tlang zacul in kan Hawknak cu thang hmanh seh, Chiandeih caah zei hrik tida thak hlah. Credit: Stalin Tha Cung Lian
