Kum1965 March 4 lio ah, Chin dothlen rian an hotu Hrang Nawl le ralkap minung 20 nih Hakha tukding ah Tita an rak phan. Hakha khuathar mi Pu Sa Uk nih a hmuh hna.
Hrang Nawl he hawikom tha an rak si ca ah, “Nan sin ah ka kal ve lai” a ti hna. Zan ah khuathar an luh lai ah khuadei hngak in an i din. Pu Sa Uk cu i din loin athli in a kal i Party Unit Chairman Maj.Kep Lo a hung chimh i Palek a vachimh hna.
Palek cu an rak i ralring an family vialte zong khualeng ah an chiah dih hna. An i kah tikah palek an zenkuan a dihdeng cang ko nain, Rfn Thang Pu an khen i a thi. Suan Do Nang a ke ah an khen ve ca ah a hliam mi cu Hrang Nawl le Commander Nang Khan En nih an zampi.
(Miroling Hrang Nawl, ca uk.Cahmai 37 – 38) Dothlen rian ah tih a nung bik cu, chunglei ral hi an si. Kanmah miphun lila le kanmah naihniam hna hi Spy (Mi leirawitu) hi an si duh tawn ca ah, thianhhlimh hmasa an herh.
Atu zong ah an um ko i, hmailei zong ah an um peng ko rih lai. Kalnak a dawntu hmunhnawm an si lai ca ah thianhhlimh an herh hmasanak a si.Pupa phungthluk ah,”Kakawi ka ral ah tla” ti bia kha philh lo ding a si lai.
