Kan vawleipi lungfim lo in thlapa thla 8 chung akan tuah tu Covid-19 zawtnak cu vawleicung ramkip ah akarh chin thluahmah caah lungrethei le lungrawk ngai a si. Kan unau Mizoram zawng caan zeimaw zah chung zawtnak ruangah Lockdown an rak tuah.
Hmanh sehlaw zawtnak an vun zawr thluahmah hnu in Lockdown an tuahmi hna an phawih i sianginn tiang an vun awn khawh tthan. A sinain Lockdown an vun awn hnu caan tlawmpal ah second Covid-19 a karh tthan caah lockdown tuah tthan a hung si.
A vawihnihnak Covid-19 zawtnak ruangah kum 90 chung ah a cang bal lo mi Mizoram ah a cang. Mah cucu, Presbyterian Hospital Durtlang Casualty, zeitlik caan paoh ah damlo zualhma nih an panhnak le damnak an hmuhnak sizung cu a vawihnihnak Covid-19 zawtnak ruangah kharter an si.
Presbyterian Hospital Durtlang Casualty ah sibawi minung 10 zawtnak an ngeih caah Quarantine luhter an si. Mah lawng hmanh si lo a vawihnihnak Covid-19 zawtnak ruangah zei nghal lo nghakchia tete hna cu an nulepa hna he hmunkhat hmanh ah um kho lo in Quanrantine tuah an si.
Covid-19 zawtnak hi cu thian khawh in aum ti lo, a ruang cu tlawmpal a vun thiang deuh an ti Lockdown an vun phawih bak in zawtnak biatak tein a karh tthan cawlh peng. Mizoram zawng zawtnak an vun tei khawh ngai mi ruangah daithlang in an vun um le cangka biatak tein zawtnak a karh tthan hi a si.a
