Ka hmuh ning: A cunglei i, ka langhtermi bantukin tutan (US )rampi President i thimnak nih hin, khawi ka lei Party nih dah (US)rampi hi a dawt taktak (Repulican )nih maw asiloah(Democratic )Party nih tihi a fianter taktak cang.
News pawl nih thawng an thanhmi kong cu zapi nih kan theih ciomi a si ko i, ka chim ti lai lo. Tutan ah Repulican party nih Democratic party hna cu Court kan phan lai an timi hi , Trump nih Joe Biden hi president sinak hi a cuh i, a pek duh lo ruang ah maw asiloah ah a kenh duh lo ruang ah siloin, hi thimnak hi a dingfel lomi thimnak a si ti kha an hmuh ve tikah Joe Biden hi a kenh lonak a si ko. Hmuhmi le theihmi an neih ve caah a si ko mawhchiat awk an tha lo.
Repulican party nih cun (US )mipi duhnak in felfai tein thimnak hi kal sehlaw, timi hi an duh bikmi cu a si . Tu hnu zong ah Cunglei Court nih tha tein an hlathlai hnu ah Former Vice-President Joe Biden zong hi sung khawh thiamthiam a si rih ko.Cu bantukin, kan Pu Trump zong hi kai kho zong a si i, sungh thai khawh a si . A zeihmanh kha chimh awk an tha lo. Repulican party nih kan tei hrimhrim lai timi lungput he Court kai hi an i timi a si in ka hmu lo.
Repulican party lungput cu: Hi (USA)rampi cu kan thei cio bantukin vulei cung pumpi ah cun a ngan bik Democracy ram le dinfelnak a tanhmi , Pathian nih a rak dirhmi ram Democracy i uknak le i hruainak hi a rawk thai lai ti an phan caah le hmailei caan ah tuanbia tha i tial sehlaw, i thimnak a um than tik zong ah hi bantuk dinfellohnak hi um ti hrimhrim hlah seh ti an duh caah a tu ni tiang ah kan Pu Trump nih hin a President sinak a pek khawh lo hi a si tiah ka ruah.
Cucaah Repulican Party pawl nih hin ram an dawt i,dinfelnak an tanhmi hi ka upa ngaingai hna. An lungthin a pical ngaingai. Unau, a tu caan ah hin nang le kei nih cun zeihmanh chim awk kan nei lo. Dai tein um ko u sih. Bawipa kut chung ah chan ko sih. Cucu na lungthin ka lungthin a damnak ding le hi Ram a damnak ding cu a si ko.(Phungtlukbia 16:1 ) Minung nih khua cu a khan ko lai. Sihmanhsehlaw a donghnak bia a ngeitu cu Pathian a si. Catialtu: Lianthuam Fancun
