Kata (ကသာ) Peng Kahdohnak Ah Rallokap 40 Leng An Thi. Sagaing ramthen, Thichaih(ထီးချိုင့်)peng le Kata(ကသာ) peng kahdohnak a chuah hnu ni tlawmpal ah rallokap lei in minung 44 an nunnak a liam, hliamtuar mi zong tampi an um tiah khuami hna nih an chim.
June 24, ah Kata (ကသာ)peng, Muta(မိုးတားအုပ်စု),Swe Kyawng Kung khua pawng ah rallokap he kahdohnak ah ralhrang lei in minung 30 hrawng an thi tiah Kata(ကသာ) mipi vengtu phu (KPDF) nih cathanh an rak chuah.
May 30 ah khan, rallokap lei in minung 8 an thi, minung 10 renglo nih hliam an tuar, cu hnu ah rallokap lei in minung 3 an thi than. Cu kahdohnak ah KPDF in minung 5 an nunnak a liam.Kata (ကသာ)peng ah June 28 tiang ralhrang nih phungning lo in tlaihmi minung 19 le nunnak a liam mi 5 an si tiah (KPDF) nih cathanh an chuah.
Cu kahdohnak ah PDF phu sinah Kachin ralkap (KIA) an i tel tiah chim asi nain, KIA/KIO lei thawng chimnak nawlngeitu Tongmangham Naw Bu nih KIO lei in cu bantuk langhter nak cu a um lo. Kachin khuami hna nih cun, cuka hmun kahdohnak cu KIA cawlcanghnak hmunhma a si caah KIA he fonhin kahdohnak ah an i tel tiah ruah asi.
Ralhrang kuttang rallokap sakhan, palik sakhan cu KIA nih atu le tu kahdohnak a tuah, cu kahdohnak ahcun Sagaing ramthen cheukhat hna zong an i tel. Crd: TCP
