Kan theih dih cio bang in kan kawlram cu NLD nih kum li chung hnangam tein an kan tthithruai hnu ah Min Aung Hlaing hruai mi tapung kawl ralkap nih fabuary 1 zinglei suimilam 3:00am hrawng ah aana an ting.
Mah hnu tlawmpal ahcun NLD hruaitu lutlai vialte an tlaih dih hna caah mipi lei nih kawl ralkap uknak kan duh lo tiah sandahpiah in heh tiah lam zawh an thawk cawlh ve. Mah ruang ahcun tapung kawl ralkap pawl nihcun mipi sandahpiah pawl cu heh tiah an tukden hna i cheukhat cu meithal nih thi lak an kah hna.
Tapung kawl ralkap nih heh tiah an tukden hna i an nunnak tiang an lak hna leng ah minung tampi an tlaih hna i thong an thlak rih fawn hna. Mipi lei kap nih ralkap uknak duhlo nak an langhter nak hi tuchun in cun ni sawmli a tling ve cang.
Mipi lei kap nih sandahpiah nak cu ngolh lo in heh tiah an piah chin lengmang ruang ah tapung ralkap nih heh tiah sandahpiah tu mipi cung hriamnam fakpi in an hmang chin lengmang. Mah ruangah kan unau a si mi KNU ralkap zawng dai tein an um kho ve ti lo in tapung kawl ralkap pawl cu heh tiah hriamnam he an doh.
KNU ralkap nih ni tlawmpal te chung ah minung zeimawzah an thah cang hna. Nizan ah KNU ralkap hman ding Thailand cozah nih hriamnam ttha ttha tampi an rak kuat hna. Mah hriamnam pawl zoh ahcun lung a hmui ngai ngai.
