KNU Pawl Doh Ding In A Kal Mi Ralkap Motor Aa Leh Caah Minung 11 An Thi. Kayin ramkulh batalian 7 hmun ah March 29 chun hnu ah KNU hriamtlai doh ding in a kal mi ralkap motor cu aa let. Cu aa leh nak hmun ah cun ralkap minung 11 an thi ii minung 15 cu hma an ing tiah theih a si.
Nai hrawng cu misual pawl kawl ralkap nih mipi an thah cuahmah bang in mipi nih le KIA, KNU hriamtlai phu nih an vun thah thluahmah ve fawn. Van tthat ah cun nizan ah khan Min Aung Hlaing uico pawl nih KNU ralkap va doh ding in mawtaw in an kal nak ah an mawtaw ai let i minung 11 an thi tiah theih a si.
Min Aung Hlaing uico pawl cu an tuh bang in an vun thluahmah ve cang, mipi lei nih si seh, KIA, KNU lei nih si seh heh tiah an doh cuahmah cang hna caah saupi an dir khawh ti lo caan a phan hrim lai, kan lungdong hrim hlah seh, teinak kan hmuh dengmang cang.
Tu bantuk khin an mah le mah khi an accident tawng lengmang hna sehlaw ttha tuk lai. Sandahpiah mipi cung ah ralttha ngai an lo ko nain KIA le KNU ralkap nih an vun tlaih taktak hna ahcun zeite hmanh an chim ngam ti lo. Sualnak nei lo mipi a that tu kawl ralkap pawl khi miralchia bik an si.
