Ka mui nan ka hmuh ah hin thazaang ka nei ti lo timi cu chim hmanh hau lo in nanka hmuh dih lai tiah ka zumh! Kan kawlram cu ralkap uknak in kum tam taktak kan rak kal cang i, cu chung ahcun ram chung mipi nih harnak tam tuk a rak ing cangmi long te kan si.
Ralkap uknak ttha lo chungin kan chuah khawh tthan nak lai ka caan ttha vialte ramtang ah ka hman dih hnu ah Democracy caan tlawmpal te ka rak tep ve manh ruangah kaa lung si ngai ngai. Hmanh sehlaw ralkap nih ruah lo tuk in nawl ngeinak cu hram hram in an chuh than.
Kei putar cang mi nih hin kan ram le miphun caah ka tuah khawh mi cu chimtlak lo te long a si. Hmanh sehlaw hmai lei ah kan ram mino rual hna nih zalonnak an hmuh khawh tthannak ding ah tiin ka nunnak thap bak in KNLA ralkap ah a kal mi ka si tiah a chimphuang.
