KNA le KNDF Fonh In Ralhrangbu An I Kap Loikaw peng Dotmukala khua ah Kareni Army (KNA) le Karenni National Defence Force (KNDF) hna fonh in ralhrangbu he nihin July 31 chun 11 hrawngah an i kap tiah KPDF nih an thanh.
Ralhrangbu rallokap lei a thi le hliam mi an um. Atu hi fehter dingin kan zohfel lio a si tiah tuanvo ngeitu sin in theih a si. Atu hrawngah KNA umnak lei ah ralhrangbu an rak luh caah kaphnih kahdohnak a um pah lengmang.
Kan hnu zarh ah Karenni ram Loikaw nichuahlei ah a ummi KNPP/KA battalion No. 3 umnak lei ah ralhrangbu tat-mah 66, khah-lah-yah 530 an luh caah voi 5 renglo an i kap i, ralhrangbu lei a thi mi le hliamhma pu mi an tam caah an kir than tiah theih a si. Karenni National Defence Force (KNDF) hi ralhrangbu doh dingah ralhrangbu a doh mi zei hriamtlai bu he kan tuanti lai tiah a thanh mi an si.
Relchap- Wanchung(ဝန္ျခဳံး) khua cu ralhrang rallokap le pyusawthi(ပ်ဴေစာထီး) hna nih mei in an khangh Magway ramthen,Poah peng thlanglei Wanchung(ဝန္ျခဳံး)khua cu nihin July 31,chunhnu suimilam 1:00 hrawng ah ralhrang rallokap phu hna le pyusawthi phu hna nih khua chaklei thok in mei in an khangh tiah thilsining hmutu khuami pakhat nih a chim.
“Poah khua thlanglei Wanchung (ဝန္ျခဳံး) khua ah ralhrang rallokap e pyusawthi phu hna cu ra in khua thlanglei ah thok in mei in an khangh ,chunhnu suimilam 1:30 hrawng ah mei in an khangh hi si”, tiah thilcang ning kong cu a hmutu khuami pakhat nih a chim.
Cu ka khua Wanchung (ဝန္ျခဳံး)pawngkam thlanglei cu PDF phu hna he atu le tu kahdohnak a chuahnak hmunhma a si i,nihin zong ah kahdohnak a can hnu ah, cu khua cu hramhram uknak latu ralhrang phu hna nih mei in an khangh hi si tiah khuami hna nih an chim.
“Wanchung (ဝန္ျခဳံး) khua ah ralhrang le pyusawthi phu hna cu hmunkhat ah i fonh in kaphnih kar ah kahdohnak a can hnu ah khua mei in an khangh hi a si” tiah khuami hna nih an chim tiah Khit Thit Media nih a langhter. Crd: TCP
