Kan theih dih cio bangin misual tapung kawl ralkap nih fabuary 1 zinglei suimilam 3 hrawng ah ngawl ngeihnak an lak ruang ah mipi nih ralkap uk kan duhlo ti langhter nak ah heh tiah sandahpiah nak an thawk cawl.
Hmanh sehlaw ramsa bantuk lungthin ngeitu kawl ralkap nihcun mipi sandahpiah pawl cu meithal he bak ah kah hna i minung tam tuk an nunnak a liam cang. Mah ruang ahcun KIA ralkap hna nihcun kawl ralkap cu heh tiah an kah cawlh ve hna.
Nai hrawng le bang cu KIA ralkap nih kawl ralkap pawl tam lak te an thah lengmang hna. KIA ralkap hi zeiruang ah dah hiti lawmman in an tthawn ngha tihmi theih na duh ahcun a tanglei video ka thil chih mi khi rak zoh law nai fiang ko la.
KIA zungchoh Laiza pawng ummi nih Dawrnak khur an khuar ve cang. KIA le ralkap i kahnak a zuallei a panh caah KIA/O zungchoh umnak Laiza pawng ummi Woicyai ralzam Kachin pawl nih dawrnak caah tiah khur an i khuar ve cang.
Atu Kachin Woichyai ralzam pawl umnak hmun khi KIA zungpi umnak Laiza in a hla lo. 2017 lio zongah kawl ralkap nih KIA an rak kah hna i hriamnam ngan pipi an rak hman. Atu Woichyai ralzam umnak hmun zongah kawl ralkap nih hriam ngan an rak thlak caah mipi lei hma a pumi an rak um len.
Cucaah a hlan bantuk in Ralkap le KIA i kahnak hi a si khawh caah mipi lei ralrin in an umnak a si. Mipi lei hrimhrim nih KIA cu ralkap pawl doh ding in an fial hna caah cat loin KIA nih ralkap an kah hna. Mipi lei zong ralring in um uh tiah KIA lei nih thawng an thanh ve hna.
