Ralhrang ruangah kanram, kan mipi sualnak ngeilo thisen tamtuk a luang cuahmah lio ah ralhrang leiah ttang in Dalan rian a ttuan mi pawl khi kan caah mi hnoksak taktak an si caah kan hmuhmi poah cu thian colh lengmang kha teinak kan hmuh khawhnak ding ah lam biapi taktak a si.
Fur caan dohlennak rian kan ttuannak ah duhning i kan kal khawh tawn lo nak a ruang cu ralhrang lei ttang mi Dalan minung pawl ruangah khin a si. Dalan rianttuan mi paoh cu zei bantuk minung an si ko zong ah zaangfah nak tel bak lo in thian colh lengmang kha a biapi tuk mi a si.
KIA ralkap hna nih Dalan rianttuan mi pa pakhat cu an tlaih i fak taktak in an hrem. Vawlei car bak ah an bawhter i a tawtawk ah fung nganpi nih fak taktak in an tuk. A tanglei ah a video ka thil chih Dalan ttuan mi paoh cu nan cungah mah bantuk khin tuah a si thluahmah cang la.
Relchap- May 26 zanlei suimilam 3:00pm ah Myitkyina- Tanai raod Shadoo Zwe Kua ah public war Leader House cu ralhrang hna nih an rak kah hna nak ah KIA ralkap minung 4 an nunnak a rak liam.
KIA ralkap minung 4 an nunnak tiang a rak liamnak a ruang cu, Dalan rianttuantu minung pakhat ruang ah a si. Cu Dalan ttuantu pa U Phone Kyaw cu nizan may 27 zan suimilam 9:000pm ah KIA nih an thah ve.
KIA ralkap nih nikhat chung an kawl hnu ahcun may 27 zan suimilam 9:00pm ah a umnak Naing Mi khuate, Tanai Lidu road, Hpakant Township ah thi lak in an va kah tiah theih a si.
Hi bantuk thil an tawnnak a ruang bik cu Dalan ruangah a si tiah theih a si. Ralhrang lei nihcun Shadoo Zwe khuate kalnak lam cu an block dih ruangah thawngpang fiang zong theih khawh a si lo.
Kachin news cheukhat nihcun thawngpang dik lo a thanh tu media tampi an um caah mah hi thawngpang cu biadik a si maw dsi lo tihmi fiang tein theih khawh a si rih lo tiah an chim ve.
Tulio kan kawlram buainak kong ah mipi nih kan theih le kan i ralrin a herh taktak mi cu Dalan pawl lak ah khin a si. Nizan KIA ralkap minung 4 an thihnak a ruang an langhter nak ahcun Dalan pawl thil tuahmi ruang ah a si.
Ralhrang nih uknak ankan chuh mi kan lak tthan khawhnak ding ah a lam kip in mipi lei nih heh tiah kan doh hna, a ttha tuk ko nain mah nak hmanh in biapi deuh a si mi cu Dalan pawl thianh hmaisat khi a biapi taktak mi a si.
Tulio ahcun khuate ah ralhrang minung 100 an um nak hmanh in Dalan minung pakhat an um mi khi khuami caah cun ttihnung deuh an si. Mah caah cun kan khua chung ah Dalan an um sual ahcun dawtnak tello bak in a rannak bak in thianh khawh colh kha kan ralhrang hna kut in kan luatnak a si.
Video link
