SAC hriamtlai tapung pawl cu nikhat hnu nikhat in an sungh chin lengmang ko cang. KIA Tatmaha 3 tangah a ummi KIA ralkap pawl nih nawlngeihnak latu MAH ralhrang tapung pawl sakhan pakhat tu zing ah an doh i an lak. Cu kahdohnak ah MAH ralhrang tapung lei in a thimi an tam tuk caah an zam ti a si.
An lakmi ralhrang tapung sakhan cu KIA ralkap pawl nih mei in an khangh i, hriamnam thilri tam nawn zong an lak chih tiah theih a si. Cu pinah cu sakhan cun Taluk ram ah kuat ding in an chiahmi thing ah ciami tampi zong an lak chih dih tiah theih a si. KIA Tatzing 27 ukmi hmunhma tampi ah tuzing suimilam 4:00 am thok in atu tiang kahdohnak fak a um rih ko tiah theih a si. 7stars News nih a tarlangh.
KIA nih MAS hriamtlai tapung pawl sakhan pakhat an lak than tiah theih a si. K2K te hi an men hrimhrim lo. MAH hriamtlai tapung pawl, khika le nan kal i sakhan hmete nan sak, KNU nih an ichuh hna. Hi ka lei ah a dang sakhan nan sak than, KIA nih an rak ra hnawh i an i chuh than fawn, khat le khat lei kalnak um loin lam pawng rua sur lak ah nan iciah ko cang lai hi.
Cu pinah hi K2K phu hnih hi MAH uico ralkap pawl sakhan lak men lawng an ilungsi lo. Sakhan a hngaktu uico ralkap pawl cu vawlei thatsi (fertilizer) ah an tuah lawlaw hna (An thah lawlaw hna). Uico pawl sakhan chung in an lak khawhmi hriamnam le ei le din vialte an lak dih i, a tangmi cu mei an khangh dih tawn.
An sakhan lak than aa timhmi uico ralkap pawl cu an thlam vutcam lawng maw an zoh ne lai. (K2K sullam cu K in an min aa thawhmi KIA le KNU a ti duhnak a si.) Atangah MAH hriamtlai tapung sakhan KIA nih an lakmi an khangh lio video zoh ding link tar chih a si.
