Khit Thit Media: Kachin peng Hliangya (လှိုင်ဇာဌာန) he ai hlatnak meng30 i um Ralkap pawl i Sakhan “Alaw Bum” cu nizan 10;25pm ah KIA ralkap nih an kah hna i an sakhan an lak piak tiah KIA Thawngthangpang latu nih a chim tiah Khit Thit media nih cun a chim.
Nizan zan suimilam 6pm ah KIA pawl nih singting (ရှန်တိန်း) Tlang i Kawl ralkap sakhan pakhat an laksak hnu ah, zanlam 5pm in Kawl ralkap Sakhan “Alaw Bum” an nor tthan i, zan suimilam 10;25pm ah an lak khawh tiah KIA Thawngpang chimtu nihcun an langhter.
KIA nih misual phu kawl ralkap pawl biatak tein an phomh cang hna le an ni muai cawk ti lo. Zahan zan march 24 ah Kachin ralkap KIA nih Kawl ralhrang pawl an thuat tthan hna i an sakhan 3 an lak cang.
KIA nihcun SAC kuttang ralhrang sakhan pawl cu an phomh thluahmah cang hna. Nai hrawng cikawr bak hin KIA ralkap pawl hi hiti lawmman in maw an rak tthawn tihmi ka van i fiang.
Nizan march 24 ah khan Kachin ralkap KIA nih Kawl ralhrang pawl hmanmi hriamnam a ngan he, a hme he, torlecheng an lakpiak khawh hna. Raap zong torlak an tlaih hna. Nai hrawng cu ralhrang kawl ralkap pawl cu CDM mipi nih heh tiah an rak doh hna i, mah lio ah KIA, KNU ralkap nih khat lei khat lei in an rak kah ciamman hna cu an domh in an ni domh cawk ti lo ti awk khin an um cang.
Magwe vanlawng bual in Kachin ram lei ah raltuknak vanlawng 10, Shanram lei 10, Karenram lei ah 10 ralhrang nih an thlah hna tiah bia a chuak. Cu an raltuknak vanlawng pawl an thlakpiak dih hna ahcun Kawl ralhrang phu cu an ngeu tuan cang lai.
