KIA Nih Min Aung Hlaing Veng Tu Pawl Lam Phih Dih An Timh Cang Hna

Uknak chut tu le mipi that tu lainawng pa Min Aung Hlaing Kachin ramkulh Putao khua a um chung Kachin Independent Army (KIA) nih Myitgyina-Putao kar motor lam phih an timh, zei ruangah dah Myitgyina le Putao kar motor lampi hi KIA nih phih an timh timi cu fiang tein theih khawh si rih lo.

Mipi lei nih hi lam phih chung poah cu khua tlawng rih lo ding in KIA Bridage-1 lei in ralkap pawl nih mipi sin ah theihternak an tuah hna, tuni ah lainawng pa Min Aung Hlaing Putao a rak phan lai, a veng tu a ralhraang pawl le a mah he pehtlaihnak neimi pawl an kal khawh lonak ding caah kan phihmi si tiah KIA lei in ralkap pakhat nih a chim.

Cu ruangah ni zei maw zat chung cu Myitgyina in Putao lei ah motor lampi in mi zei hmanh khual tlawn kan sianh hna lai lo tiah KIA lei nih cun an chim chap, Min Aung Hlaing hi Putao ah ummi a ralhraang pawl le pituhsit pawl he tonnak neih aa tim.

Nizan September ni 18, kum 20212 zing suimilam 11:00AM hrawng ah khan lainawng pa Min Aung Hlaing cu Kachin ramkulh khualipi simi Myitgyina a phan, a mah kut tang ah rianttuan tu Kachin ramkulh CM Khet Htein Nang he ton biaruahnak an neih bantuk in Khet Htein Nang nih Kachin thuam bak a hruk ter.

Total Page Visits: 604 - Today Page Visits: 1

Leave a Reply

Your email address will not be published. Required fields are marked *