Hi Miphundang Nu Cung I Kan Umtuning Nih Miphun Nauta Kan Si Ti Le Miphun Hme Kan Si Tiah Kan I Ti He AI Lo Tiah Ka ruah:
Bia hmaitthi tampi ka ttial lem lai loh, tawite lawng ka ttial lai.Hi kawlnu kong ka ttial tikah thinlung put diklo hna ah maw ka puh ruam lai ucih,ka ttial duhnak a ruang tetu kha tleihpiak thiam ka zuam te ulaw tiah a hmasa tein,ka ttial duhnak zawn te an phanh hlan ah nawl le theihter kan duh hmasa mi hna a si.
Kawl nu cu USA ah muidawh izuam dingin a kal i,kan thil hruka duhtuk ruangah aihruk mi zong a si lo,a thil a phanh khawhlo ca,vansan menah aihruk mi khi a si ko.Asinain hi kawlnu,Min AUng Hlaing farnu nih kan Lai thuam aihruk caah tutan muidawh izuamnak ah kan Lai thuam cu ai dawhbik dirhmun ah a kan chiah piak mi cung tu ahcun kan ilawm cio ko lai tiah ka ruah.
Sihmanhselaw kan hei cawisan ning zohtik ah hin a hlei a hluat tuk in kan cawisan,kan miphun, a si mi,Falam muidawh maw,Tidim muidawh maw,Matupi muidawh maw,Mindat or Kanpalet muidawh maw,Hakha muidawh le aw tha maw nan sin an phanhtik ah a tubantuk hin kan miphun cawisannak thinlung he nan ngei hna maw? ngei nemmam hlah,hihi a dik mi,phelhawk a tha lo mi a si.
Tidim muidawh maw,Falam awttha maw,Matupi muidawh maw ra selaw,a nih cun,Halkha a si,a nih cun Tidim a si,a nih cun,Falam a si ti thinlung tu pei,Miphun pakhat a si mi nih nan hei ken ko hna cu,Mahle miphun cawisan hmanh duh hleng ttung lo,kawl kerang nu luarpar a kai ding tiang in heh nan dawn,heh nan kawmh,heh tiah bia nan ruah,zeibantuk thinlung dah na ken ti mi kha hi kan tuahsernak nih hin kan miphun lungput le sining a langhter taktak,phehawk a tha lo.
HI kan lungput nih a langhter mi cu,Kawl sal lung put kan ngeih caah pakhatnak ahcun a si.Khatlei ahcun kan mawhlo tiah a ti mi zong kan um kho men!kan mawh,kawl sal cu kan si balmaw?sinemmam hlah e,Chin miphun,Lai miphun bakka te kan si.Kan pupa chan ah khan khua le peng cio ah ,”LAL” kan ngei cio,kawl zong nih lal an ngei ve ko.
Hlanlio Israel pawl zong kha an khuapi ah khan Siangpahrang an ngei tengtung cio,cubantuk in khua le pengah siangpahrang a ngei ve mi miphun pakhat kan sinak kha nan zuar riangmaang i,kawl nu cu um awk thei lo in heh tiah nan cawisan.Mah lei miphun ah i cawisannak thinlung le,Miphun pakhat,Miphun tling kan si tiin i duhnak hi miphundang sinah kan ngeih bakawk a si.
Hinih a langhter mi cu,miphun te kan si tikha nan ka hmanh in chim hlah ulaw,nan tuahsernak nih a langhter ko.Kan lungput hi khawika kan umnak hmanh ah,Ram a ngei ve mi le Pathian nih Miphun tling ah a kan ser mi miphun kan si ti hi na dirkamh i,mah le miphun cawisannak lungthin le ruahnak ngeih kha a biapi i,cubantuk in kan tuah hrimhrum awk zong a sifawn.
A nu kawl nu kha a va tlunnak khua nih kan thuam nai hruk caah vawleipi nih a theih ve i kan ilawm tiah hei ti kha cu a phung a si ko,mineng le luakchuak in kan cawisantuk mi tu hi cu,kha kawlnu miphun sal kan si,na sal le nih kan in lomhpi i kan in cawisan tibantuk he khin aikhat mi a si.Kha nu kha tutan aizuamnak ah khan pakhatnak hna hei siselaw cu,a tulio kan ram sining zoh in,kan lomhpi i,kan cawisan ding zong a si ve tiawk a sihnga.
Top 10 hmanh a phan lo mi,Lai thuam aihruk tiruang i,umawk thei lo in hei lawmh le hei cawisan cu,miphun nauta lungput he ai lo. Cun,Hilio ah thuam min kongah neknawi pawl heh rak i alnak a rak um ve hoi,Hakha thuam e,Zotung thuam e,Mara thuam e tibantuk in bia i alnak heh a chuak,ningzak hna khi kan si thulh.
Hi thuam hi cu kan duh maw duhlo maw,a chuahka tein ah kan pupa hna nih a min an sakmi cu,Lai thuam,ti a si ko,Halkha thuam,Zotung thuam,Mara thuam ti a si hrimhrim lo,Nai kum 20 hnu hin,Halkha thuam e,Zotung thuam e,Mara thuam e,Falam thuam e tiah an hei ti hna le si ko.Lai thuam a si,Chin thuam zong a sifawn lo,Chin thuam tiah miphundang sin zong ah ithiamter ngai in chim ti hlah usilaw a ttha ngai hnga.
Note:Hi ti ka titik ah hi a dongtu le a cawisangtu hna thinhunnak ca le huatnak ca i ka ttial mi a si lo,kan miphun hna nih zeibantuk lungput dah miphundang sinah hin kan ngeih i kan tuah awk le tuah loawk a si ti mi hi kan thleidan thiamnak ding caah ka van ttial mi a si i,nan thin a hunlonak dingah kan nawl chih fawn hna. Crd: Tinduh Thang
