Tulio Kawram buainak nih vawleipi a hninh. Vawleicung media ngan deuh vialte nih Kawlram kong an cover. Ralkap nih anmah power ngahnak ding ahcun rampi a rawh dih zongah a poi lo, mipi an thih dih zongah a poi lo, Tuluk nih Kawlram a laak zongah a poi lo timi lungput an ngeih zia an tuahsernak nih a langhter.
Ralkap hi an sungh lai a si cang caah an hrang chin lengmang. Tutan ah teinak kan hmuh hrimhrim lai a fiang. 2008 phunghrampi an hrawk lai i, lainawng ralbawi pawl cu tazacuai an si lai i, hri in thlai an si cang lai. Kawlram rampi cu Federal state in kan i uk lai i, Federal Army zong kan ngei lai.
Miphun thleidannak, biaknak theidannak vanpang vialte a cim dih lai. Tlangcung mi hna nih kum 70 chung kan khelmi nunhrin covo vialte tling khitkhet in kan hmuh cang lai. Mah vialte zalonnak le covo vilate kan hmuh khawhnak ding cu nunnak a thapmi mino tete thiesen thawng in a si lai.
Hi Tluk Lungrethei Kan Um Lio Ah Norh Korea President Kim Jong-Un Nih Missile Test A Timh. President Biden cu North Korea nih an ngiar colh ko. An ngamh phun tuk maw a si hnga zeidek. Tuchun ah US Military Intelligence hruaitu General pakhat nih North Korea nih missile test an timhnak kong CNN ah a thli tein ah a phuan. A phuangtu min an chim duh rih lo.
Donald Trump President a tuan thawk ah President Donald nih Israel a dirkamh tuk i, Jerusalem cu Israel khualipi i a ser i, US palai zung a thial ahcun, Israel le Palestinian karlak ah buainak faak tuk a chuak lai i, vawlei ralpi pathumnak tiang a chuak kho tiah CNN commentator Freed Zakaria te pawl nih an rak chim i, Laimi Demon party a ttanhmi cheukhat zong nih an rak chim ve.
Asinain President Donald Trump term chungah Israel le Palestinian karlak ah faak ngai in ral an thawhnak a um hlei lo. Obama chan lio nak in ral a dai deuh ti khawh a si. Cubantuk thiamthiam in President Trump chan ah North Korea le US ral an tho kho tiah CNN le main stream media cheukhat nih an chim, asinain President Donald Trump nih North Korea hruaitu Kim Jong-un a ton hnu ah Missile test a tuahmi vialte a ngol. Cucaah Korea peninsula rili kam ah ral a tho lo.
Voi dang nak in a dai deuh.Middle East kong zongah President Trump nih Israel le Bahrain, UAE ram hnih karlak daihnak a ser khawh caah Obama chan nak in Middle East ah daihnak a um deuh ti khawh thiamthiam a si..
President Biden zeitluk in a tthawn timi cu North Korea zetiluk in a hip khawh?, Tuluk cozah zetiluk in a rengh khawh? timi le Kawl ralkap cungah zeitluk in nawl a ngeih khawh timi in hngalh khawh a si te lai. Biden nih vawlei pumpi he rian kan tuanti lai tiah a hrocer lem mi cu kan zoh tuah lai cu. Credit: Salai Lairamthang
