Nizan ka von thaimi Ka peh tthan tuah lai.Sermi thil vialte hi anmah le an sining, an ipehtlaih ning cio in um hi Pathian duhnak/ will of God” a si tiah tiah vawlei cung minung tampi zumhning a si.
Cu zumhning nih a kalpimi cu:- Pathian nih a sermi/creation cung ah Minung nih uktu/ nawlngeihnak an lak tikah, Pathian nihcun amah nih a serning/ “Natural Order” ning tein hruai hna seh/ uk hna seh timi hi a duh. Phun dang in chim ahcun, “Natural Law/ kokkek sining nih a ngeihmi phung” upat hi Pathian duhning a si, ti a si.
Noah chan lio zoh tikah Pathian nih a serning/ Natural order he kalh in Minung nih zei paoh an tuah. Pathian thil ser kha ningcang loin an suksam dih tikah Minung cungah Pathian thinhunnak a phan i, Buanchukcho in a thah viar ko hna.
Kawl Ralkap nih Kawlram le Union ram mipi cungah nawlh an ngeihning zoh tikah, Pathian serning/ Natural Law an buar taktak. Nuhrin covo an buar. An duhmi paoh an thah hna. An tlaih hna. Thong an thlak hna. Kawl Ralkap nihhin Pathian thil ser/ Natural Order hi ningcang loin Kum 70 chung an uk. An suksam viar tikah, Kawl Ralkap cungah Pathian thinhunnak a phan cang rua hlah maw tiah kei nihcun ka zumh.
Ralkap hi an chan a sau ti lai lo. Hloh cikcek an si colh cang ko lai tiah ka zumh peng rih ko. Tulio hi NUG nih an dirhmi PDF le, state le township based in a dirmi DF pawl cu training an tuah cuahmah i, an von chuah tik ahcun, Kawl Ralkap nakin an tam deuh te kho tiah a tuakmi an um. Cucaah, Ralkap caah chun mui a tlung deng cang. Tu lio an dirhmun hi Thihlai kecheih sawhsawh khi an si cang tinak a si. Crd: Zasang Cinzah
