Zeitluk in dah kawl ralkap pawl hi an hrokhrawl tihmi cu nizan Mandalay lam 86 cung i thil cang mi nih a fianter ngai tiah hmuh khawh a si. Nizan March 23 ah Mandaly khua chung mipi sandahpiah pawl ralkap nih an kah hna i minung pakhat an kah thih mi cu a ruak an fir diam.
An kah thih mi miruak tlau mi cu CCTV nih fiang tein a rak record dih mi mi cu thuh nawk awk ttha lo in a rak lang dih. Palik mawtaw pakhat nih mithi ruak an lak mi cu a thli tein mawtaw cung ah an khinh lio cu hmuh a si.
Kawl ralkap nih mipi sandahpiah an kah thih hna tik an ruak an lak lengmang mi khi cheukhat nihcun Taluk sin ah an chung thilri an zuang tiah a chimmi tampi an um. Mah khi khi a hman lo mi a si, ralkap nih mithi ruak an lak lengmang nak a ruang bik cu, meithal nih kan kah mi a si lo, amah te ai hliamnak ah a thi mi a si tiah langhter an duh ruangah an lak nak a si.
A tang CCTV ka thil chih mi hi rak zoh hmanh ah nizan Mandalay ah an kah thih mi ruak a tlau tiah an tihmi palik mawtaw in an lak lionak a si. Mah nih khin Min Aung Hlaing Uico kawl ralkap pawl an firkhut ning cu a fianter taktak. Video Link
Relchap-hluak Nih Cun Mino Pawl An Thluak A Dawi Kho Ti Lo. ngrualnak cu teinak hrampi a si kan ti bang tutan ram buainak ah mipi kan lung aa rual tuk mi hmuh tikah teinak cu kanmah ta a si ko. Nihin cun sandahpiahni ni 48 tluk si cang mipi lei hmunkhat ah an dir kho.
Nihin March 24, zong hohmanh leng chuak hlah uh “silence strike ” in kan um dih lai tiah hruaitu nih an thanh hna. Ralkap nih cun nan chuak hrimhrim lai an ti ve. Ralkap cu Loud speaker in khuapi chung poh ah an au. Sinain mipi an chuak naisai lo. Aukhuan le mithah tlerhkhonh kha ralkap an thazaang a si. Sinain an thazaang nih mipi a hip kho ti lo.
Yangon khualai Sule ah heh tiah mipi a tingting nih ralkap uknak lakmi duhlonak an langhter tawnnak hmun Sule le a pawng cu a king taktak. Minung chim lo motor le uico hmanh an um lo. Tiva pi bang mipi khatthup in chunnitlak te “AYi-Daw-Pone Awng Yah Mee” ti an au tawnnak cu a riangvai taktak.Vawlei cung khuapi lak ah a dai bik cu si theo lai.
Kawlram khuapi dang zong a si dih. Genz pawl an khuakhan a tha tuk. Ralkap thluak nih cun a dawi cawk ti lo. Sau zong an dawi zuam lai ka zum lo.Nihin chanthar mino an men lo. Meithal an ngeih lo pakhat lawnh si. A rauh hlan ah teinak thantar kan vawr lai awngpuai kan khan hna lai. Hohmanh zaangthulh ding si lo. Thachiat ding si lo. Credit: Tluang Ceu Thang
