Kan ngai hna lo. Kanu le kapa kan ngai hna lo. Kan ngai tuk hna timi bia kaa khat ka chim cun, Ka nun nih a celh lo ka tap thluahmah ee.
Ka u le ka nau kan ngai hna lo. Kan ngai tuk hna timi bia kaa khat ka chim cun, Kan ngaihnak hna a zual i nan sin ah rak kir ka duh ee. Ka hawi le hna kan ngai hna lo.
Kan ngai tuk hna timi bia kaa khat ka chim cun, Vahveih nak tlawnlen nak pawl mitthlam ah an cuang khun i tuar a har tuk ee. Liam cia kan hngakchia lio caan i zei thei lo nuam thlaimai in len lio caan kha lung a dai bik ko mu.
Relchap- Thihlohnak Thawngpang Nih Kek Le Orh In Bomb Bantukin Ni Fatin A Kan Den Mi Hi Zumtu Hna Nih Lau Tuk Ding Asi Lo
Thihlohnaak thawngpaang nih keh le orh in bomb bantukin ni fatin a kan den. Zumtu hna nih lau tuk ding asi lo. Zeicatiah Bawipa khuakhanmi cu a țhami asi zungzal. Bawipa nawlngeihnaak tel loin zeihmanh a cangmi an um lo.
Thihlohnaak kan ton tikah faaktukin tuar ding asi lo. Zeicatiah nunnaak cu Bawipa ta asi i, kanmah ta asi lo i, Bawipa nih a kan hlanhmi asi. Cucu Bawipa nih a laak țhan tikah lunglawmtein cohlan kha zumtu hna kan sining ding cu asi.
Kan chungkhat an thih hna tikah Bawipa nih a sin i a auh hna asi ti kha thei hna usih law, USA visa a hmu mi kan chungkhat lunglawmtein kan thlah hna bantukin lunglawmhnaak he vancung khua ah thlah ve hna usih.
Cucu vawlei kan tei khawhnaak cu asi. Zumtu hna kan i dannaak cu asi. Zeibantuk tuarnaak tlang i kan dir zong ah Bawipa nih a kan philh lo, a kan umpi peng ko. A veel hi kan caah a zaa zungzal ko. Zumtu hna kan caah vanchiatnaak cu hrawh asi cang. Thihnnak cu tei asi cang. Khrih sinaak cu hrawmh kan si cang. Vawleimi kan si ti lo. Crd: Dr. Aung Myint Thang
