Tuni September ni 26, kum 2021 chun ah khan Sagaing ramtthen, Kalay peng thlang lei Chin Sai timi khua ah duh poah in khua an sual hnu ah Thar Si khua in nitlaak lei kap ah kalmi Min Aung Hlaing ralhraang pawl cu zanlei suimilam 2:00PM hrawng ah khan Le Ing Suh le Sipingyi timi khua pawng ah PDF Kalay le CNDF nih an tthuat hna.
Zanlei suimilam 2:00PM in 4:30PM tiang kaphnih kar ah kah dohnak a chuak, tuni an i kahnak ah hin Min Aung Hlaing ralhraang pawl nih bomb kahnak rumro bochan in an hman, PDF-Kalay le CNDA ralkap pawl an pah khawh ti hna lo ruangah Sipigyi khua lei ah bomb kap in Myo Hla le In Dai Kung khua lei ah an kal tthan.
Tuni an i kahdohnak ah hin Min Aung Hlaing ralhraang lei in a tlawm bik pa 3 an thi i hlaihma pumi tampi an um, cun PDF Kalay lei le CNDF lei in ralkap pathum hna hliamhma an pu ve.
