Kalay myo Toungphila Baptist Church Saya Khuah Ling kum 71 nih covid zawtnak in zanlei suimilam 4:00pm ah khan mual akan liam tak ruangmang tthan ee.
Saya Khuah Ling ruak cu thaizing suimilam 8:00am ah vui a si te lai tiah theih a si. Saya khuah Ling nih tantak mi chungkhar Bawipa nih nan ngaihchiatnak in theih piak i inhnem ko hna seh!
Laimi cu thihnak kan tawn tik ah khuate hna ahcun khuapi tein i tthutpi a si tawn. Cun khuapi ahcun pawngkam sang um mi vialte le lamhlat deuh minung tiang nih i chuah hnawh cio mi miphun kan si.
Hmanh sehlaw Covid zwtnak nih kan miphun biatak tein a vun kan den hnu ahcun mah chungkhar unau le an thih hmanh ah i thutpi cu chim lo ruak hmanh i ttah khawh lo dirhmun tiang kan hung phan.
Hi tluk thihfak i kan thih lio caan ah ruak hmanh i tthutpi khawh lo le ruak thlahnak hmanh i kal khawh lo dirhmun tiang vung phanh cu ruah lengmang ah lungrawk taktak a si.
