Kalay myo (Tahan) ah a lar ngai mi Wesley siizung cu Laimi/ Mizo nih an damlo caan ah an fuhpanh taktak mi siizung pakhat a si. cu tluk in Laimi/ Mizo mi kan caah abiapi tuk mi Wesley siizung pi cu tuzanlei suimilam 5:00pm thawk in an khar ruangmang.
Wesley siizung an khar nak a ruang minung pakhat nih a chim ning ahcun tulio kan vawleicung akan buaiter bik tu Covid zawtnak a vun karh tthan caah mah zawtnak in kan luat deuhnak hna si ngha maw tiah an khar chung mi asi tiah a chim.
Laimi/ Mizo nih damlo caan ah an fuhpanh taktak mi siizung pi an vun khar ruangmang ko cu lungrawk taktak a si. Accident le zeimaw damlo zualhma deuh hna an um sual ahcun fuhpanh awk an tha ti fawn lai lo i a pou taktak.
Relchap-KPDF Nih Ralhrang Minung 30 Bak An Thah Tthan Hna. Myanmar Social Media page Khit Thit Media le zalen nih an langhter ning ahcun tuni June 2 ah khan Katha Township people Defence Force/ People Protection Force le Military Council fak taktak in an ni kap i ralhrang minung 30 an thi i, 11 hlaimhma an pu tiah an langhter.
An ni kah nak hmun cu Katha kam Sagaing Region ah a si. Hi kahdohnak ahcun PDF ralkap lei in minung 5 an nunnak a liam ve tiah theih a si. Ralhrang minung 30 a thi mi chung ah hin Police officer 3 an ni tel tiah theih asi fawn.
Katha PDF hna nih ralhrang 30 an thah lengah an motor 2 bak mei nih an khangh piak hna. Ralhrang hna nih aana anlak hnu in civil mi minung 800 bak an thah cang hna.
Relchap- An thih hmanh ah an ruak lak a tong ti lomi SAC ralkap. CDM a lut duh lomi le SAC ralkap lei tang pawl a nung rihmi na si cun na lungfim tuk ding si. A caan a um rih.
Atu tiang na lung naa thleh hlei lo i Ming Aung Hlaing lei na tan ko rih cun na thih lai i na ruak ho nih a char te lai? Ruak humh tu hmanh na ngei te lai lo hi ruat!
Atu ah zeidah an cang na thei ko lo maw?SAC ralkap thimi pawl cu an ruak hmanh an la duh ti tung hna lo. Ui le ar thih hmanh an tluk ti hna lo.
Nai ah Kaya ram ah SAC ralhrang a thimi hna an ruak pawl cu an hawile hmanh nih an lak duh ti hna lo nithum chung an lak hna lo caah mipi ralkap KNDF nih an ruak pawl cu nihin ah mei in an khangh hna hi a si.
May 31 ah khan SAC ralhrang le KNDF cu Kayah ram Demasu ah fak ngai in an i kaap. SAC Ralhrang lei nih hriamnam ngan an hman cunglei raltuknak vanlong zong an hman nain KNDF lei nih ralhrang 80 tluk an thah thiamthiam hna. Na nun rih ah cun tha tein ruat. SAC lei na tan ko rih cun na ruak char na ton ve te lai lo kha.
