Uknak chut tu le mipi a kan that cuahmah tu ralhraang khuachia pawl an pa Min Aung Hlaing cu thaizing September ni 18, kum 2021 ah Kachin ramkulh Myintgyina khua tlawn aa tim tiah thawngpaang theih a si, hi khuachia pa caah hin kal lei lawng um in kir lei um ti hlah sehlaw ttha tuk hnga.
Kachin ramkulh ah nihnih chung rau in tlawn aa timmi khuachia ralhraang pawl an bawi Min Aung Hlaing hi Myitgyina khua hrambunh ralhraang pawl sakhan (Northen Military Qeadquater) kut tang ah ummi Border Guard Force (BGF) in ttuanvo nei tu hna, pituhsit pawl hna he ton biaruahnak nei aa tim.
Thaizing ah khuachia an pu a rak phan lai ti an theih hnu in Min Aung Hlaing ralhraang pawl cu Myitgyina khua chung hmun kip ah ralhraang pawl an chiah dih cang hna tiah khuami hna nih an chim.
Tulio an dirhmun ah an mah ralhraang chungkhar hna dah ti lo mipi lei nih zei ti hmanh in an cohlaang kho hna lo ti an i fiang, phungki bawi pawl hmang in ralhraang chungkhar pawl an lung hmeh an timh hna, thimnak kan tuah tthan lai tiah ralhraang sakhan umnak kip ah kal in a lemsoi hna.
