Tu lio kan vawleicung thawngpang ah a linsa cem mi thawngpang cu US President election thawngpang khi a si. Minung tampi nih US President ding ah an duh taktak mi Joe Biden kong ah Thian Awi Sang nih a hmuh ning a vun langhter mi ruah ahcun khuaruahhar taktak khi a si. Joe Biden nih US President kum 4 chung a ttuan ahcun mah pawl hna hi a cang ding mi cu an si…
1. Tax a kai lai i company pawl rianttuan kho lai lo. Obama chan lioah ramdangah US company tampi an thial lai. Rianttuan ding ngei lo unemploment a karh taktak lai. Entry level rianttuan pawl paycheck voikhat ah tax $70-$100 pek a hau lai.
2. Riantuan awk ngei lo an karh tuk lai i mifir le damiah an karh tuk te lai. BLM buainak in Palik nih misual action lak khawhnak tampi an chuh hna lai. U.S ram cu misual pawl nih zalong taktak in thilsual tuahnak ah an hman cang lai.
3. Lesbian, Gay, Bisexual, Trasgender, Queer (LGBTQ) pawl duhpoah i an umnak hmun le ram ah ai cang lai. Tleirawl tuah sualnak tuah duhnak lungthin a ngei lo mi hmanh nih sual tuah duhnak lungthin an ngei dih cang lai.
4. U.S cu Sadom le Gommorah lamthluam kha an zulh colh lai. Nu le nu pa le pa duhtawk sual tuahnak rampi ah ai cang dih lai. Muipadap ah lam a zawh mi bantuk an si lai.
5. Stocks market control an ngam lo ruangah China kut cungah stock share tampi a phan dih cang lai. U.S bank pawl 401(k) retirement kong ah an buai duh te lai.
6. Non profit organization (501(c)3) tiang tax lak an timh ruangah Khrihfabu, mibawmchan tu company tampi tax a pek ter dih hna lai. Khrihfabu hna cu biatak tein caawlcang kho lo ding in a tuah dih hna lai.
7. Israel he pehtlaihnak a chah dih cawlh lai i U.S.A thlawchuahnak hrampi Israel cu Liberal pawl nih an hrawh dih lai. Nangmah thlawchuah an pe tu cu thlawchuah ka pek hna lai i, nangmah an thangchiattu cu ka thanchiat ve hna lai(Gen 12:3)
8. Trump nih cawlcang kho lo in a tuah mi (terrorism) pawl cu biatak tein an cawlcang tthan lai. vawleicung ah ISIS ralhrang pawl biatak tein an chuak thluahmah tthan lai. Mah pawl hna nih an ni tinh cem mi cu Khrihfa mi thah dih i vawleipi uk dih an ni tim lai.
9. Politician pawl lungthin ah ruahnak ttha lo a chuah ter dih lai i fair and transparent election le ram dawtnak taktak lungthin a nei mi an tlawm tuk te lai.
10. Miphun thleidannak ( Midum, mirang, misen) a um lo timi an kalpi tuknak ah mah miphun cio tanh le dirpi duhnak lungthin a chuakter dih te lai i khat le khat kar ah kahdohnak fakpi a tlunter dih te lai. Sualnak phunphun a chuakter dih lai i lainawnnak fakpi a chuahter dih lai.
Bible ning i kalpitu hna caah cun U.S.A cu ttahpi tluahmah awktlak tiangin ai chuah te lai. U.S.A ram dirhtu Christian nule pa ttha le Bible fek tein aitlaih mi President hmaisa pawl tiang an lung a fak dih te lai. Tuah hin zumtu tampi caah cun lungrawk taktak khi a si.
