Nizan fiday ah Nuclear scientist Mohsen Fakhrizadeh cu thah a si. Mah a that tu hi Iran nihcun zah ah za bak in Isarael an si ko tiah a chim. Iran President Hassan Rouhani nihcun an scientist thah a si mi kong ah Israel cu a mawhchiat ngai ngai. Nuclear lei ah ka neih mi secientist thah si ko hmanh sehlaw Iran nih Nuclear ser kan ngol hlei lai lo tiah a chim fawn.
Iran president Hassan Houhani nihcun an scientist Mohsen Fakhrizadeh that tu cu Israel an si ko tiah a zumh caah fak taktak in teirul kan cham hrimhrim lai tiah tuni ah a chim cawlh ve. Iran scientist an thahnak hmun cu Tehran khuapi nichuah lei kam ah um mi Absard khuapi ah Car he a tlik cuahmah lio ah meithal in kah thih a si.
Mah lainawnnak kawngkau ah Israel nih zei hmanh chim hlah hmanh sehlaw, nuclear hriamnam ser cu kan ngolh hlei lai lo i teirul zawng kan cham hrimhrim lai tiah an president Hassan Rouhani nihcun tuni ah a chim. Israel nihcun Iran cu nuclear hriamnam an ser mi ruangah fak taktak in an rak mawchiat cang.
Nizan ah thi mi Scientist Fakhrizadeh cu Iran ram nuclear program ah defence nak leiah research le hriamnam tawlrelnak kawng ah lutlai cem a si. Israel le US cu alam kip in rianttuan tti an si caah scientist thah a si mi ruangah US le Iran karlak boruak cu a linsa chin lengmang lai tiah zumh a si.
Iran scientist thah a si nak kongkau ah President Rouhani nih Tv ah biachim nak a nei i scientist Fakhrizadeh thahnak kongkau ah hin Zionist ralkap cu a mawhpuh hna. Teirulcham nak kongkau ah Iran cu ai hnaw lo nak le a caan teah teirulcham an timh nak kong cu a chim chih fawn.
Mah lainawn nak kongkau ah hin Israel cu dai tein in an um peng. US thawngzamh tu the New York Times nihcun scientist Houhani Fakhrizadeh that tu cu Isarael an si tiah a langhter. April 2018 kum ah khan nuclear hriamnam sernak kongkau ah Houhani Fkhrizadeh cu lutlai cem a si nak kong cu Israeli PM Benjamin Netanyahu nihcun a rak chim.
