Hlasak thiam Benjamin Sum cu kan theih dih cio bangin Mizoram ah khuasa in a cawlcangh cuahmah lio pi asi. Mizoram cu covid-19 pulrai nih biatak tein a den cuahmah lio pi asi bang in hlasak thiam Benjamin Sum zong covid-19 pulrai in a zaw tiah theih asi.
Hlasak thiam Benjamin Sum cu June 1 tuniah Mizoram a umnak hmun ah covid-19 pulrai in a zaw ve tiah theih asi. Benjamin Sum cu kawlram ralzam mi hna ca i a cawlcanghnak ah tu bantuk in Covid zawtnak tiang akai nak asi.
Vanchiat ah covid zawtnak a kai ruangah may 22 thawk in a mah le naihniam i a um mi vialte hna cu Quarantine ah an chiah dih hna tiah theih asi. Biatak tein thlacam nak in bawm hna sih, tu lio cu kan theih bantuk in Mizoram ah biatak tein hla lei ah a vun cawlcangh lio pi asi.
Relchap-May Thla Chung ah SAC Ralhrang 600 Dengmang an Thi
May 1-31 tiang ah Myanmar ramchung ah hmun kip ah SAC ralhrang le an hnuzul pawl minung 577 an thi, tiah BAP nih cazin a lakmi a langhter.
Ralzam ah a thimi SAC ralkap pawl lawng si loin SAC ralhrang hnuzul khua/sang uktu le dalan pawl zong an relh chih hna.May thla chung lawng ah 577 an thi i, a dang minung 378 hi hliamhma an pu hna. Ni khat ah minung 18 rate in an thi.
Cun, May thla chung ah peng kip le khua kip ah a cangmi mipi rungvengtu ralkap bu, tlangcungmi hriamtlaitu hna le SAC ralhrang karlak kahdohnak voi 289 a chuak.
Abikin, Kachin, Kaya, Kayin, Chin, Shan, Magwe ramtthen le Sagaing ramtthen pawl ah kahdohnak a tam i, cuka hmun pawl ah cun SAC ralhrang a thimi an tam hna.
Cun, Yangon tibantuk Kawlrawn chung khuapi pawl ah uknak lei zung le dalan inn bomb puah a tam i, thah a tongmi khua uktu/sang uktu le dalan pawl an um len.
A cunglei May thla chung SAC ralhrang a thimi le hliam a pumi cazin hi Myanmar ramchung zumhtlak Media pawl nih an tarmi Data pawl cherhchan in BAP nih a lakmi a si.
Nizaan May 31 i, Kayin ramkulh, Demoso peng, Kungtha khua kahdohnak lawng ah SAC ralhrang 80 hrawng an thi. Atu bantuk in SAC ralhrang lei a thimi an tam tuk nain SAC thawngzamhnak Myanmar Alin le Kye Mon tibantuk ah a thimi milu fiang in langhter a um ballo. Crd: TCJ
