Nihin Hakha Sizung ah COVID-19 in Minung 3 an Nunnak a Liam. Nihin (August 3) ah Hakha sizung ah COVID-19 zawtnak thlopbul liomi minung 3 an nunnak a liam, tiah thawng kan theih. A nunnak a liammi hna cu:
(1) Rev. Ram Hei (kum 60)
(2) Pi Ngun Cuai (kum 78)
(3) Pu Hnawn Cem (kum 85) hna hi an si.
COVID-19 Third Wave nih Laitlang a kan phak hnu ah Hakha ah COVID-19 in a nunnak a liammi minung 11 an si cang. Nihin Hakha sizung ah zawtnak checkmi minung 8 lak ah minung 2 sin in COVID-19 zawtnak hmuh a si chap. Crd: The Chin Journal
Relchap- Ralhrang Pawl Nih Mipi Caah Tin Covid-19 Checking Center An Tuah Mi An Hrawh Piak Dih Hna. Mipi nih Covid-19 zalong te i an ni check khawh nak ding caah tiin hruaitu te nih Checking Center an tuahmi cu ralhrang misual pawl nih an hrawh piak dih hna tiah theih asi.
Kalay ramkulh Loikaw khuapi chung mawaw lampi kam ah mipi zawnruahnak i an tuahmi Covid-19 Checking Center an tuah mi cu ralhrang pawl nih tuah hlah uh tiah an ti hna i an hrawh piak dih hna.
July thla thar bak in Loikaw khuapi hmun cheukhat hrawng ah mipi nih zalong tein Covid test an tuah khawh nak lai hruaitu te nih Checking Center sak hrawm an thawk hi asi. Tlawmpal te lawng check an tuah manh hna i tuni ah ralhrawng nih an hrawh piak dih hna tiah theih a si.
Kalay myo ramkulh chung ah tu tiang Covid positive an hmuh zat cu minung 500 an si i, mah chung ahcun minung 20 an nunnak a liam cang tiah theih May Myo Moon nih Chin Daily News ah a rak langhter.
