March 27 a ni 49nak Hakha mizapi ralkap uk duh lo langhternak an tuahnak hmun Carson Hall cu ralkap le palek nih suimilaam 2:20PM hrawng an kulh dih hnu a chung i thilri an chiahmi pawl an laak dih.
Carson Hall chung ah an chiah mi hna hi, Gas Mask, Luchinh, Ralkhamnak, Hangthlum, eidin dangdang le nithawng pawl an chiah.
Hi kong he pehtlai in tuanvo ngei pakhat nih, “Ralkap uk duh lo langhternak tuah ding in mino 200 fai a chung ah kan um. A chung kan um hnu ralkap le palek an ra i an kan kulh. An kan kulh lio ah upa nih bia an ruah hna i an kan tinter dih.
An kan tinter hnu in ralkap cu a chung ah an lut i thilri chiah mi an lak dih,” tiah a chim. Nihin ralkap uk duh lo Hakha mizapi an cawlcanghnak ah tlaih le khih a tongmi cu an um lo.
Cun, Carson Hall an kulh lio ah a pawngkam inn pakhat an luh hnawh nain an tlaih mi tu cu a um lo tiah kan theih. Nihin Carson Hall an kulh ah ralkap le palek minung 70 fai hrawng an si. Video Link
