Nihin kan Laitlang thawngpang theih cu lungthin aa nuam kho hrim lo. A tanglei hi nihin Laitlang kan tawn mi kong The Chin Post nih a vun langhter mi asi. Nihin Hakha rallokap uk duh lo langhter in mipi lamzawhnak ah rallokap le palik nih mipi an thencheu hna .Minung 3 tlaihkhih an tong tiah thawng kan theih.
Relchap- Mandalay lamzawhnak ah tlaihkhih a tong mi tution saya checkhlat nak zungah a nunnak a liam. Mandalay , Awngmaytasan khua ,58×24 lam ah may thla ni 2 lio ralhrang rallokap uk duh lo langhter lamzawhnak ah rallokap nih mipi thencheu hña in tlaihkhih a tong mi Saya U Kyaw Kyaw Oo(kum-40) myanmar tution ca chim tu cu Pyin Oo Lwin checkhlat nak zungah a nunnak a liam tiah theih a si.
Chungkhar lei nih a thi mi ruak cu an ngah lo cun a thi ti hmanh hi kan dothlat hnu lawng ah kan theih tiah min langhter a duh lo mi tution saya U Kyaw Kyaw Oo chungkhar si mi pakhat nih a chim. Lam zawhnak hmun mipi thencheu lio ah a phei hliam hma a tuar tiah theih a si. Kan dothlat tikah sizung ah a thi cang tiah thawng kan theih, a ruak hmanh kan ngah lo.
Chungkhar hña zong nih thil sining cu an i zumh kho hrim lo, a sinain a thih tak ko ahcun thatnak hmun a phak khawh nak hnga tiah nihin ah an mah kawl phung in an tuah piak”
Checkhlat nak hmunah zeiruang dah a thih ti cu kan thei lo, a thih nak kong he pehtlai in rallokap lei tuanvo ngei tu hña zong nih chungkhar sin ah nihin tiang tha tein thawngthanhnak le theihternak a um lo .
A luan cia mi may 2 ah Mandalay ah ralhrang rallokap nawlngaih nak an lak mi kong ah duh lo in lamzawh nak an tuah lio ah ralhrang phu hna nih mipi thencheu nak tuah in U Kyaw Kyaw Oo tel in tution saya pahnih tlaihkhih an si. A dang pakhat cu Oobu (အိုးဘို) thong ah an chiah tiah Mandalay tution saya hña phu nih an chim.
A tu hnu lei hin rallokap phu hña cu mipi thuam hruk in,inn hman mi motor hña he mipi thencheu in an tlaih hna , G-Z bantuk in an i um ter i lamzawhnak ah thawngpang lak in le mipi thencheu nak an tuah tiah khuami hña nih an chim. Crd: TCP
