Tuni hi ralhrawng kawl rallokap pawl nih kan ram uknak an lak in a ni 102 nak bak te a si. Hi chung ah hin mipi sualnak nei lo minung 800 reng lo an kan thah manh cang. Ralhrawng nih uknak an lak ni thawk bak in mipi nih a lam kip in duhlo nak langh hram thawk colh a si.
Tuchunni tiang ah hin ralhrawng uknak duhlo nak langhter in hriamtlai phu tete an vun dirh thluahmah hna i cu hna nihcun heh tiah training hmanh ngei huaha lo in ralhrawng pawl cu an doh hna. Cu an dohnak ahcun kan chung mi chung tiang in minung zeimaw zah an nunnak a liam ve cang.
Tuah hin ralhrawng uknak lak tthan ding ah Generation Z tiah an auh mi mino rual tampi cu training an kai cuahmah hna. Training a kai mi chung in kum 21 te long a si rih mi Ko Min Thu tiah a min an thlen mi nihcun a lungfah nak biathli a hung chimphuan.
Ko Min Thu nih a chim mi cu training ka luh hlanh deuh te ah hin ka hawi ttha cem cu ralhrawng pawl an kah i hliamhma tuar kho lo in a nunnak a liam. Mah ni thawk bak hin ka lungfah ka celh ti lo i tu kan nunnak thap bak in mipi kilveng tu ding ah ka luh nak a si tiah a chim.
Ralhrang uknak kan lak tthan khawh nak ding ah hin Generation Z tiah an auh mi mino rual nih kan lak tthan khawh nak ding ah tu bantuk harsa ngai in training kan kai cuahmah hi asi. Tu bantuk hin rallokap doh nak ding ah training ka kai te lai timi hrim hi ka rak ruat bal lo tiah Ko Min Thu nihcun a chim.
Ko Min Thu tiah an auhmi Generation Z training kai cuahmah mi nih a chim tthan rihmi cu ralhrawng kut in ka nunnak a liam sual lai timi nak hmanh in ka ttih deuh mi cu kan nun chung ralhrawng nih an kan uk ding mi tu khi ka ttih deuh tiah a chim. A tang ah hin training an kai nak video ka rak thil chih rak zoh chih ve te.
