NUG Cozah cohlan dingin France hlutdaw palai 40 leng nih France cozah sinah an hal tiah Le Monde thawngthanhca nih a tial. Cu lawng si loin TOTAL company cungah fak deuh in nawrnak tuah ding zongin an hal chih fawn.
Hi halnak hi France-Myanmar i hawikomhnak bu hotu Alain David le France-ASEAN pehtlaihnak palai Joelle Garriaud-Maylam hruainak in an tuahmi a si.Halnak ca an tialmi ah cun Myanmar ralhrang ralkap nih cherhchan zei huaha um loin vote a dik lomi a um ti men in NLD party cy hrawh an timh.
Cu caah a fakmi dantatnak kha a rannak in tuah a herh. EU nih ralhrang ralkap ta a simi MEHL, MEC le ralbawi 21 hna cungah dantatnak a tuahmi cu kan cohlan, cun hi nakin a fak deuhmi dantat phihkharnak tuah rih a hau. A bik in petrol le gas hmangin ralhrang nih tangka tampi an hmuhmi hi dantatnak tuah a herh tuk tiah an tial.
UN thiamsang hna nih nuhrin covo a buar i minung cungah sualnak nganpi a tuahmi Myanmar ralhrang ralkap cu a rannak in an thil tuahmi an ngol nak hnga ramkip nih sipuaizi phihkharnak tuah dingin an chim peng.
Cu cash France cozah zong nih lungawtawm nak um lo tein a fiangmi biakhiahnak le dantatnak tuah a hau. France rammi hna zong nih Myanmar mipi hna bantukin ralthat ding a si. French cozah nih TOTAL company cu fak piin nawrnak tuah ding.
Cun hmuichawn phihkharnak (targeting sanction) dangdang le caankarlak cozah NUG cu phungning cozah ah cohlan ding a si. Hihi mipi nih an sunhsakmi le ruahchanmi zalennak le nuhrin covo kilvennak rian ah zohchuntlak a sinak a laughter khawh lai tiah Le Monde thawngthanhca nih cun a tial. Crd: TCP
