FIM cawn maw a miak deuh FIR thiam?

( CDF caah thazang? , a thing ka thlah nolh) America ah firnak pakhat a um lio ah, phaisa chiahnak ban firtu pakhat cu hitihin a au, “Cawl hlah u, phaisa cu ramkulh ta a si. Na nunnak cu nang mah ta a si” tiin.

Phaisa chiahnak ban riantuantu hna cu daite in an bok dih. Mah bantuk hi “Mah ca thatnak caah midang ruahnak le thluak thlen(Mind changing concept)” tiah an ti.

Nu pakhat cu thinhung ngaiin cabuai cung i a bok ko lio ahcun, mifir damiah pa pakhat nih cun hitin a ti. “Lungfim tein um! Hihi fir nak tuah mi a si, tlaihhrem tuah nak a si lo!”

Hihi “Thate in cawn mi theih le thiam”(Being Professional), zeidah na cawnmi le tuah mi long kha na zoh lai ti nak a si.

Ban a firtu hna inn an phak tik ah, MBA a dih cang mi ngakchia deuh pa nih,(MBA=Master of Business Administration) tang-6 tiang long a kai mi upa deuh pa cu: “Ka upa, zeizat dah kan ngeih cang rel tuah uh sih tiah a ti”.

Kum Upa deuh a si mi pa nih cun a al i, “Na hrut tuk. Phaisa tam tuk pei a si hi, rel ding cun sau tuk kan rau lai. Tuzan ah TV nih zeizat dah ban in kan fir ti mi cu a kan chimh te ko lai tiah a ti!”

Mah hi, “Hmuhtonmi”(Experience) tiah ti lengmang mi cu a si. Nihin ahcun, Catlap chungin cawnmi nak in hmuhtonmi hi a biapi deuh cang!

Mifir hna nih Ban an chuah tak hnuah, Ban zohkhentu/Manager nih cun, Ban Hruihruaitu/Supervisor sinah a ran nak in palek chonh dingin a chimh. Asinain, hruihruaitu nih cun, “Hngak! Hika Ban hin Dollar 10 million kan mah caah chuah u sihlaw, cuhlan i hika ban in dollar 70 million kan fir mi he khan fonh u sih” tiah a ti.

Thil hi, “Tilet le ti-thazang hmangin tilioh”, ( Swim with the tide)thil duh a nung lo mi hmang in thathnemhnak kawl i timh tiah an ti. Ban hruihruaitu/supervisor pa nih cun, “Thlafatin mifir um hna sehlaw a tha ko hnga” tiah ti.

Mah hihi a min ah “Thil tha ruat loin Caan tha i lak” (Killing Boredom) tiah an ti. Pumpak i nuamhnak hi na rian nak in a biapi deuh tiah an ti fon.

A thaizing ahcun, dollar 100 million cu mi nih an Banzung in an fir tiah TV nih thawng a thanh. Cuticun, mifir hna zawng cu an phaisa fir mi cu an rel, an rel i an rel nolh, asinain, dollar 20 million long an rel khawh.

Mifir hna cu an thin a hung tuk cang i an zai/ complained: “Kan nunnak thap in dollar 20 million lawng kan lak. Ban zohkhentu/ manager pa nih dollar 80 million cu a kutdong bak in a fir tiah an ti. Hi nih a lawh mi cu, fimnak/education cawn nak in mifir a miak deuh!”.

Mahbantuk hi, “Hngalhnak/knowledge hi sui tlukin man a ngei!”, tiah an ti. Ban zohkhenhtu pa cu a hmai a panh i aa lom tuk, a sullam cu, chawlehnak i a sungh mi vialte cu hi firnak nih hin a rulh piak than dih.

Hi bantuk tuahsernak cu, “Caan-tha Chuh” (Seizing the oppotunity.” tiah an ti. Tihnung mi thil zawng ah ngamhsan ngaiin tuah’!Cucaah, hika zawn ah hin a hodah mifir tak tak cu a si? Crd: Dong Va

Total Page Visits: 430 - Today Page Visits: 2

Leave a Reply

Your email address will not be published. Required fields are marked *