Nihin October 29 kum 2021 zanlei sangah ni ah Mobye khuapi ah facang a zuun lio pa pakhat cu ralhrang kah mi bomb cik nih a khen caah a thi, a mah hi Mobye khuapi chung sangthen 1 nak ah a um mipa a si i SAC ralhrang kah mi bomb cik nih a khen caah a thi i hliamhma a pu mi zong an um tiah Mobye Rescuse Team hna nih an chim.
Cun nihin october 29 kum 2021 zinglei ah SAC ralhrang nih kah pa thlawr in hriamnaam ngan in Mobye khuapi chung ah an kah caah sangthen 2 nak ah a um mi nu pakhat cu a keng ah le a paw ah bomb cik nih a khen caah a nunnak a liam tiah Mobye Rescue Team pawl nih an chim. Atu bantuk i SAC ralhrang hna nih Mobye khuapi chung hriamnaam ngan i an kah hi PDF pawl he zong i kahdohnak zei hmanh a umlo an mah duh paoh in an kah sawh sawh mi a si tiah kan theih. Min Aung Hlaing naule hna hi an sual chin lengmang ko a poi tuk e.
Shan le Kaya ramri ah a um mi Mobye le Pekhon khuapi hna ah SAC ralhrang hna nih hin ruang umlo in kah pa thlawr in an kah pah zungzal leng ah an thazaang an chap chin lengmang tiah Loikaw, Mobye, Pekhon, le Palong lam ah a ho hmanh tlung kallo dingbin mipi kilvengtu ralkap PDF pawl nih ralrinnak le forh fialnak an tuah. Pekhon pengkulh ShwePyi Aye khuami minung 19 hna cu SAC ralhrang uico pawl nih October 27 kum 2021 nih ah an tlaihbhna i an kalpi hna, atu tiang ah hin an thawngpaang theih khawh a si rihlo an thlah rih hnalo tiah khit thit media nih a tial.
