Kan ram thawngpang cu that lei a panh kho ti lo hih. Kawlrawn lei lebangah cun kum 15 in kum 30 katlak hrawng cu an duh na loin an rawt hna i Lory Truck bak in an kal thluahmah cang hna ti asi. Khoika an kal pi hna le an chiah hna zong theih an si lo.
Cu caah cun kawlram/Laitlang rak i ralring cio ko uh. Duhthim dingdang kan nei ti lo caah mino pohpoh cu CNF lei ah panh hna ulaw tha cem ko lai.
Sianginn kai liomi le cozah. riantuan mi ca zongah mah buainak a dih lo poh ah cun ruahngam dingzong si ti lo. Mah revolution a dih ta hrimhrim a herh. Duhthim dingdang aum ti lo (No Choice).
Sipuazi le a dangdang timhhlamh nak nan neih zongah nan mah buainak a dih (kan tei ) lo ah cun tuah khawh hlei asi lai lo ti a fiang ko.
Cu caah mah khua cio (Umnak hmun cio) in rak doh nak in CNF ah i fawnh viar i hmunkhat te doh ah hma kal deuh pinah hriamnam tha he cun hna a ngam deuh fawn lai.
Atu kan dir hmun cu a fiang ngai ko cang.Thimding dang kan nei ti lo ti khawh asi. Ramleng lei zongin CNF Emergency National Scurity Fund (ENSF) kholh cuahmah asi i tamtuk a chuak cang. Hihi hriamnam cawknak ding asi.
Kan hawi tlangcung mi hna cu anmah le an miphun hriamnam tlai mi hna sinah an kal thluahmah cang hna. Thimding dang kan nei ti lo. Credit: Tinduh Thang
