Dr. Rual Uk nih Khirhfabu phaisa in CNF/A sin ah bomhnak nan pekmi hi cu a palh taktak tiah nizan interview an tuahnak a chim. Cu a chimmi kong ahcun Rl Pa Hei nih hiti hin a vun leh. A cunglei nan comment pawl ka reldih i an ttha dih cio ko nain, kan ruah awk a simi cu cheuhracheukhat cu Bible ning cun ahmannak adang taktak rengko i Tlangbawi nih a ei awk dingmi khi a si.
A si ah cun Laimi Free Evangelist vialte hi (A mah Ruak Uk telh in) Pathian chaw a ei hmuar mi lawng te an si. Ramthumnak ah kal riangmang in an 1/10 phaisa tor le cheng i lak in inn lo tthattha le Motor thatha an i cawk mi hi tah Bible he a ral kah chinchin deuh lo maw.
Miphun caah Nunnak a pemi hna bomh cu Evangelist pawl pekin motor le inn lo ttha an i renhnak le, an mah maw puarnak ca nak cun Miphun kilven nak ding caah pek cu let 100 in Pathian thluachuah a um deuh hrimhrim ko la. A chim sual cikcek bia si. Amah hmanhnih cun pei maw 1/10 phaisa cu aa lak i a ei cu. Crd: Rl Pa Hei
Rl Pa Hei Comment mi Johnly Fambawl nih hiti hin comment a rak pek ve: Laimi Free Evangelist vialte hi Pathian chaw ( cheuhra cheukhat ) a ei hmurmi lawng te an si tiin ca na rak tialmi hi cu na palh cikcek hih. Zeicatiah Laimi Evangelist hna nih hin Pathian chaw a simi cheuhra cheukhat hi an ei hrimhrim lai loh.
A sawmtu le a cahtu hna Church ( Kohhran ) Pastor le upa hna nih Pathian chaw a simi cheuhra cheukhat in an sawm hna caah le laksawng ah an pek hna catu ah khan a si khomi a si. Cucu Laimi Evangelist palh zong a si loh. Zeicatiah Evangelist nih mi Kohhran chung in Pathian chaw a simi cheuhra cheukhat cu chim hlah a dang tangka hmanh an tawng kho loh.
Cucaah cun Laimi Evangelist sual le palh phun deuh in ca na tialmi hi cu a hmanmi a si hrimhrim loh. A ruang cu Kohhran pastor le upa hna nih cheuhra cheukhat tangka in an sawmmi hna le laksawngah an pekmi hna a si ahcun cucu Kohhran pastor le upa pawl hna sual le palh tu kha a si hnga!
Zeicatiah sawmmi le chahmi Laimi Evangelist hna nih hin an kalnak Kohhran thawhlawm siseh, Pathian chaw a simi cheuhra cheukhat siseh, a dangdang tangka siseh anmah nawl bakin i lak in an ei hrimhrim loh. Laksawng an pekmi hna pin in cun mu. Cucaah cun na catial hi na palh bak ko. Minung nih kan i ngeihmi midang cungah hei hmuh suannak lungthin put tuin hi ca hi nan van tial le a si ee. Crd: Johnly Fambawl
