Democratic Karen Buddish Army pawl zong kawl ralkap cawlcangh ning an zoh an thinhang an ni sum kho ve ti lo i, Min Aung Hlaing le uico rual pawl cu doh an timh ve cang.
DKBA hriam tlai phu hi hriamnam lei zong ah si seh, thazaang lei zong in si seh, a thawng taktak mi hriamtlai phu pakhat an si ve. DKBA hriamtlai phu an bawi pakhat a si mi nih Saw Ee Wam nih a chim mi dai tein mipi sandahpiah pawl cu biatak tein kan dirkamh cang hna lai tiah a chim.
Tu lio kan kawlram chung sandahpiah mipi biatak tein a dirkamh tu hna cu KIA le KNU hriamtlai phu hna khi an si. Tu ahcun DKBA hriamtlai phu zong ah Min Aung Hlaing uico pawl cawlcangh ning an zoh lengmang tik ah an thinhang an ni sum kho ve ti lo i CDM mipi kan dirkamh ve cang hna lai tiah an hung ti nak a si.
DKBA le KIA, KNU nih sandahpiah mipi biatak te i an dirkamh lio ah KNLA (Karen National Liberation Army) nihcun tuni march 27 ah an tuahmi Tatmadaw neh cu an telpi hna tiah theih a si.
