Covid-19 ruang le Min Aung Hlaing ruangah hi tluk lungrethei kan um lio ah mino tete an nunnak a vun liam ruangmang ko hi cu a poi taktak khi a si. Tuzan suimilam 3:00pm ah khan PB Lalnunkimi (Tenuni) kum 26 nih TB zawtnak in mual akan liam tak tiah theih a si.
Nungak PB Lalnunkimi (Tenuni) Mizoram a khua cu Khankawn, Champhai Dist a si. A thihnak hmun cu National Institute of TB & Respiratory Hospital, Delhi ah a si i, a ruak hi Mizoram lei ah tlunpi ding in Delhi Mizo Welfare nih an tawlrel cuahmah lio a si.
Khankawn nungak PB Lalnunkimi (Tenuni) hringtu a min cu B.Lalhmunmawia a sii, hringtu a nu min cu, C. Vanrengpuii a si. PB Lalnunkimi nih a tantak mi chungkhar le khrihfabu nan ngaihchiatnak Bawipa nih in hnem ko hna seh.
Relchap- Hakha ah SAC Ralhrang nih “Lehrul Cham Ding” an timi hna Mincazin an Tar
Hakha khuachung Electric tung pawl ah SAC ralhrang nih “Nat-Soe-Kyi-Mya Bu” timi min hmang in lehrul cham ding tiah an i selmi hna mincazin nizaan ah an tar hna.
Minung 19 min an tar hna i Hluttaw Chairman Pu Zo Bawi telh in NLD palai cheukhat zong an i tel hna. Cun, taza an cuaimi hna Salai Ngun San Aung le Salai Elishama telh in CDM ah aa telmi ngandamnak lei rianttuantu hna le cachimtu sayama zong an i tel hna.
Mincazin an tarmi chung ah Ngun Uk Thang le Bawi Lian Hup cu kan hnu thla ah an rak tlaih hna i, atu tiang an thlah rih hna lo. A tanglei tlerhkhawnnak ca a tartu ah “Nat-Soe-Kyi-Mya Bu” tiah min an khenh nain an tar lio a hmutu hna nih, “Ca a tartu hi SAC ralhrang pawl an si,” tiah The Chin Journal ah an chim. Crd: TCJ
